सवलो हलु

हिकड़े दोस्त मूंखे चयो, 'धणी रहिमु करे। ही माण्हू डींहं में डह दफा मूंखे फोन थो करे। असुल मुंहिंजो मग़ज खाई व्यो आहे..'।

मूं चयोमांसि, 'इहा त नईं खबर चइबी।'

मुंहिंजे दोस्त मूं डांहुं मुंझियल नमूने में निहारियो ऐं चयाईं, 'कहिड़ी नईं खबर?'

मूं चयोमांसि, 'मूंखे खबर कोन हुई त तोखे मग़ज आहे। जेका शइ हुजे इ न, त उन खे कीअं खाइबो?

मुंहिंजे दोस्त चयो, 'धणी मुंहिंजा, मूंखे मदद करण जे बदिरां मूं ते ठठोली करे रहियो आहीं।'

मूं चयोमांसि, 'पहिरिएं दफे ई हुन खां पुछईं हा त छो फोन कयो अथस।'

मुंहिंजे दोस्त जवाबु डिनो, 'धणी मुंहिंजा, मूंखे त इहो ख्याल में बि न आयो।'

हाणे मूंखे बुधायो त तव्हांजी इन माण्हूअ जे बारे में कहिड़ी राइ आहे? मूंखे जरूर लिखो।

हयातीअ में अहिड़ा जाम माण्हू हूंदा आहिन जेके सही नमूने में कमु कोन कंदा आहिन। पंहिंजे लाइ बि मोंझारो कनि ऐं बियन जे लाइ बि ।

वडी गाल्हि त सभु दावा कंदा आहिन त मथन तमाम वडे कम जो बोजो आहे। ऐं तव्हां खे इहा गाल्हि मञाइण जी कोशिश में रहंदा।

तव्हां मूंखे हिकु इनसान डेखारियो जेको चए थो त मां उल्टो पुल्टो कमु कंदो आहियां पर हाणे ज़बरदस्त कोशिश कयां वेठो त पंहिंजे कम में सुधारो आण्‍यां।

chandiramani gl

<mrchandiramani@yahoo.com>