लघु कथा
चमत्कारु
हिक डींहं गणेश मंदर जे अगियां पर
कटोरो ऐं
करे रह्
”छा त चमत्कार आहे, गणेश जी खीर
उते ई हिकड़े फ़कीर जो बुखायल बा
खे चई
गणेश आहे, मां बि खीर पी थो सघां, विश्वास
पियारे डिसो.”
लेखक: घनशयाम अग्रवाल
अनुवादः देवी नागरानी
Saturday, February 11, 2012
पर
कटोरो ऐं
करे रह्
”छा त चमत्कार आहे, गणेश जी खीर
उते ई हिकड़े फ़कीर जो बुखायल बा
खे चई
गणेश आहे, मां बि खीर पी थो सघां, विश्वास
पियारे डिसो.”
लेखक: घनशयाम अग्रवाल
अनुवादः देवी नागरानी
सिंधी काउंसिल आफ इण्डिया, अंधेरी चैप्टर तरफां मिटी-माइटी सेवा शुरू कई वई
मुम्बई, अंधेरी वेस्ट मुम्बई में अटिकल 3000 सिंधी परिवार रहन था उनमां लोखंडवाला काम्प्लेक्स में ई 1000 सिंधी परिवार आहिन। हर घर में बा॒र वडा॒ थी रहिया आहिन। उन्हन जी मिटी-माइटीअ लाइ मैट्रीमोनियल शेवा जी अजु॒कल्ह तमामु घणी ज़रूरत आहे। इन गा॒ल्हि खे ध्यान में रखंदे सिंधी काउंसिल आफ इंडिया, अंधेरी चैप्टर त़रफां लोखंडवाला काम्प्लेक्स, मैन बाज़ार में कामधेनू मार्केट में आफि़स खोली वेई आहे।
इन आफिस जो मुहूर्त स्वामी हीरानंद महिराज पूजा॒ करे ऐं श्री हरीश दुबे सेक्रेटरी जनरल सिंधी काउंसिल ऑफ इंडिया रिबिन कटे करे कयो। चैप्टर जे प्रेज़ीडेंट श्री राजीव पुरसवाणीअ सभिनी आयलन जो स्वागतु कयो। चैप्टर जे कन्वेनर श्री हरीचंद डुंगरेजा साल जी रिपोर्ट पेश कई।
इन मौक़े ते मुख्य महिमान जे रूप में गा॒ल्हाईंदे श्री हरीश दुबे चैप्टर जी पूरी टीम खे वाधायूं डीं॒दे ख़ुशी ज़ाहिर कई त मिटी माइटी लाइ सुठा छोकिरा या सुठियूं छोकरियूं गो॒ल्हणु अजु॒ सिंधी समाज जो वडो॒ मसइलो बणिजी चुको आहे। इन ड॒स में हीउ हिकु सुठो क़दमु खंयो वियो आहे।
चैप्टर जे कन्वेनर ऐं रीजन जे वाईस प्रेज़ीडेंट श्री हरीचंद डुंगरेजा हिक रिथ पेश कंदे चयो त पूरे मुम्बई शहर में हीअ शेवा कंदड़ संस्थाउन जी हिक फेडरेशन ठाही वञे।
प्रोग्राम जे आखि़र में श्री हरीश दुबे ऐं स्वामी हीरानंद महिराज ऐं बि॒यन महिमानन जो शाल, श्रीफल ऐं गुलदस्ते सां सन्मानु कयो वियो, जिनमें ख़ास हुआ सर्वश्री हरीश मीरचंदाणी, डॉक्टर सतराम माखीजा, गुल थधाणी, सुंदर गुरसहाणी, मोतीराम चावला, प्रीतम वरियाणी, पूरण जे॒ठवाणी, ढालूमल, हरी भम्भाणी, सुश्री वीना डिंगराणी। प्रेज़ीडेंट महिला विभाग भेण बिनीता नागपाल वोट आफ थैंक्स जी रस्म पूरी कई।
- भग॒वान बा॒बा॒णी
टेकचंद मस्त खे लाईफ टाईम अचीवमेंट अवार्ड सां नवाजि़यो वियो
उल्हासनगर, गुजि़र्यल 25 सालन खां लगा॒तार अखिल भारत सिंधी बो॒ली ऐं साहित प्रचार सभा जो झण्डो फहिलाईंदड़ साहित्यकार टेकचंद मस्त खे सिंधू यूथ सर्किल, उल्हासनगर पारां संदसि शेवाउन जो मानु कंदे खेसि लाईफ टाईम अचीवमेंट अवार्ड अ़त़ा कयो वियो आहे।
सिंधी यूथ सर्किल जी सिल्वर जुबली मल्हाइण जे मौक़े ते सर्किल पारां श्री टेकचंद मस्त खे शाल ऐं श्रीफल सां सन्मानु कंदे खेसि लाईफ टाईम अचीवमेंट अवार्ड सां बि नवाजि़यो वियो।
जा॒ण हुजे त श्री टेकचंद मस्त गुजि़र्यल 25 सालन खां लगा॒तार साहित्यक सेमीनार आयोजित कंदो रहियो आहे। बिना कंहिं सरकारी मदद सां हेल ताईं हू 90 साहित्यिक सेमीनार भारत जे कुंड कुड़‍िछ में वञी जुदा-जुदा शहरन में करे चुको आहे। थी सघे थो कंहिं हिक शख़्स पारां एतिरा सेमीनार कोठाइण जो इहो वर्ल्ड रिकार्ड हुजे। बहरहाल श्री टेकचंद खे हिन लाईफटाईम अवार्ड लाइ वाधायूं।
भग॒वान बा॒बा॒णी
आसूद॓ लछवाणीअ खे ‘‘सैयद अमीर अली मीर’’ पुरस्कार सां नवाजि़यो वियो
भोपाल, मध्य प्रदेश राष्ट्रभाषा प्रचार समिति पारां साल 2011 जो ‘सैयद अमीर अली मीर’’ पुरस्कार भोपाल जे साहित्यकार आसूदो लछवाणीअ खे अत़ा कयो वियो। इहो सन्मानु खेसि संदसि हिन्दी कविता संग्रह ‘‘जाने के लिए जाऊंगा नहीं’’ ते अत़ा कयो वियो आहे।
हितां जे हिन्दी भवन में रिथियल हिक शानाइते प्रोग्राम में श्री आसूदे लछवाणीअ खे ‘सैयद अमीर अली मीर’ ऐज़ाज़ु मध्यप्रदेश जे राज्यपाल पारां अता कयो वियो।
-भग॒वान बा॒बा॒णी
सिन्धी अकादमी द्वारा एकांकी आलेख प्रतियोगिता के परिणाम घोषित
जयपुर। राजस्थान सिन्धी अकादमी द्वारा वित्तीय वर्ष 2011-12 में आयोजित अखिल प्रतियोगिता के परिणामों की घोषणा की गई है।
भारतीय/राज् स्तरीय एकांकी आले
इसी प्रकार राज्य स्तर पर जयपुर के कन्हैया अगनाणी की एकांकी ’’भली जमन धिअरियूं’’ ने प्रथम, जयपुर के ही गोबिन्द माया की एकांकी ’’सिन्धी बोली’’ ने द्वितीय तथा बीकानेर के मोहन थानवी की एकांकी ’’कहकशां’’ ने तृतीय स्थान प्राप्त किया है।
दीपचन्द तनवाणी
सचिव
Rajasthan Sindhi Academy, Jaipur
सिन्धी अकादमी द्वारा कहाणी आलेख प्रतियोगिता के परिणाम घोषित
जयपुर। राजस्थान सिन्धी अकादमी द्वारा वित्तीय वर्ष 2011-12 में आयोजित अखिल भारतीय/राज्य स्तरीय कहाणी आलेख प्रतियोगिता के परिणामों की घोषणा की गई है।
अकादमी अध्यक्ष नरेश कुमार चंदनाणी ने बताया कि अखिल भारतीय स्तर पर राजकोट की श्रीमती कौशल्या आहूजा की कहाणी ’’कहिड़े डोह जी सजा’’ ने प्रथम, अजमेर के एम0टी0भाटिया की कहाणी ’’जिन्दगीअ जा ब पल’’ ने द्वितीय एवं बीकानेर के राधाकिशन चांदवाणी की कहाणी ’’बुढा आश्रम’’ ने तृतीय स्थान प्राप्त किया है। इसी प्रकार राज्य स्तर पर ब्यावर के अर्जुन कृपलाणी की कहाणी ’’बेनजीर रोशनी’’ ने प्रथम, कोटा के मुरारीलाल कटारिया की कहाणी ’’महमानु भगवानु’’ ने द्वितीय तथा बीकानेर के मोहन थानवी की कहाणी ’’कन्डा’’ ने तृतीय स्थान प्राप्त किया है।
नवोदित लेखकों की अखिल भारतीय स्तर की प्रतियोगिता में अजमेर की श्रीमती गीता गोकलाणी की कहानी ’’सपनो बणियो हकीकत’’ ने प्रथम, उदयपुर के विनोद कपूर की कहाणी ’’अहंकार’’ ने द्वितीय एवं बड़ौदा की कु.अम्बिका गिरगलाणी की कहाणी ’’सोन जो पिन्जरो’’ ने तृतीय स्थान प्राप्त किया है।
दीपचन्द तनवाणी
सचिव
Rajasthan Sindhi Academy, Jaipur
Sunday, February 5, 2012
ठोड़ो- लघुकथा
हू छहें दरजे खां मूसां गडु पढ़ं
पुराणी सुञाणप जे बावजूद
प्रशांत चिढ़ी करे चयो " मथो
हू उथी क्लास खां बाहिर आयो. हय
हुन लुड़क उघ्या, त मूं खिल
लेखकः अनुराग शर्मा
अनुवादः देवी नागरानी
Saturday, February 4, 2012
भग॒वंती नावाणी जयंतीअ ते ‘सिन्धु’ जी शानदार सिंधी संगीत महफि़ल ऐं कवियत्री सम्मेलन
संत हिरदाराम नगर (बैरागढ़), सदा मुर्कंदड़ सिंधियुन जी लाड॒ली गायिका ऐं अदाकारा सदाहयात भग॒वंती नावाणी जे 73एं जन्म डीं॒हं जे मौक़े ते हितां जी प्रमुख सिंधी साहित्यक संस्था सिन्धु (साहित्य, कला ऐं संस्कृती जो झरणो) पारां साहित्य ऐं संगीत जो हिकु रंगारंगी प्रोग्राम 1 फरवरी 2012 ते नवयुवक सभा भवन में पेश कयो वियो।
कार्यक्रम जो मुहूरत कंहिं सिंधी मंच ते पहिरियों भेरो क़दमु रखण वारियुन गायिकाउन ऐं शायराउन - शुभि शुक्ला, सामिया भाईजी, कामनी केवलाणी, कोमल मीरचंदाणी ऐं द्रोपदी चंदनाणीअ- माता सरस्वती, भग॒वंती नावाणी ऐं ब्रहमलीन संत शिरोमणि हिरदाराम स़ाहिब जे तस्वीरुन ते फूल मालाऊं चढ़ाए करे कयो।
प्रोग्राम जे पहिरिएं हिस्से में संगीत महफि़ल जे पहिरिएं दौर जी शुरूआत कई क्लासीकल जी सीनियर सिंधी गायिका सरला नागदेव सरस्वती वंदना सां। ईश वंदना जे इन सिलसिले खे अगु॒ते वधाईंदे रोशनी धनवाणी ऐं कंचन ख़ूबचंदाणीअ परसराम ज़िया पारां सिंधीअ में तर्जुमो कयल ‘सुखमणी’ भग॒वंती नावाणी पारां गा॒यल अंदाज़ में पेश कई। उनखां पोइ भावना जग॒वाणी खणी आई राम पंजवाणीअ जो प्यारो गीतु-‘सिक में ओ सिक में’। रोशिनी तनवाणी ‘सिंधुड़ी मुंहिंजी अमड़ि तोसां नातो शाल निभायां’ गा॒ए आबिदा परवीन जी याद डि॒यारे छडी॒। संदस पेशकश आत्मविश्वास सां भरियल हुई अग॒ते हली हुन मां काफी उम्मेदूं रखी सघिजन थियूं। सिंधी संगीत खे राम पंजवाणीअ पारां डि॒नल अमर रचना ‘अलाए जे छा में राज़ी आ, अलाए जे कंहिंसां राज़ी आ’ भावना ऐं रोशनीअ गडि॒जी करे गा॒ए श्रोताउन खे झूमायो। इन्हन खां पोइ आई नंढिड़ी गायिका लता चंदाणी वेस्टर्न धुन में ‘जोगी॒ जादू लाए विया, मूंखे कीन बु॒धाए विया’ खणी। हिन बा॒लकीअ बि पंहिंजी कला सां बु॒धंदड़न खे मुतासि़र कयो।
रचना लच्छवाणीअ लोक गीत ‘अई झिरमिर, मूं डि॒ठो तुंहिंजो प्यारु, घोरी वञां आउं तोतां’ तमामु सुरीले अंदाज़ में पेश करे बो॒लीअ जे मेठाज खां बु॒धंदड़न खे रूबरू करायो। इन्हन नयुन गायकाउन सां गडु॒ सिंधी गायकीअ में सालन खां रियाज़ कंदड़ श्रीमती रूप गेहाणीअ राणो राग॒ में ‘कड॒हिं राज़ी थींदे राणा’ पेश करे गायकीअ में संदस पारां कयल महिनत खां श्रोताउन खे रूबरू करायो।
उनखां पोइ सरला नागदेव भग॒वंती नावाणी पारां मस्तीअ भरे अंदाज़ में गा॒यल लोली ‘नंढिड़ा शेर आ, वधाए पेर आउ, घोरी रे घोरी तोतां माउ’ पेश कई। संगीत महफि़ल जे पहिरिएं दौर जी पुजा॒णी कंदे चांदनी दाराणीअ सुखमणीअ जी तर्ज़ ते संदसि पारां ‘हिरणी’ उन्वान सां लिखयलु हिकु गीतु पेशु कयो।
संगीत महफि़ल जे पहिरिएं दौर खां पोइ वारो आयो कवियत्री सम्मेलन जो जंहिंजो आग़ाज़ हर्षा मूलचंदाणीअ पंहिंजी कविता सां कयो। संदसि कविता में नारीअ जी अकेलाई ऐं मायूसीअ जो ज़िक्रु हो। तंहिंखां पोइ श्रीमती शांता लालवाणीअ नईं पीढ़ीअ जी जदीद सोच, विलायत तरफ वधंदड़ लाड़े ऐं पंहिंजी संस्कृतीअ खां पासो करण वारे रवैये त तन्ज़ करण वारी पंहिंजी कविता पेश कई। डॉ. प्रतिमा लच्छवाणीअ ‘मां केरु’, ‘सिजु’ ऐं ‘माउ’ शीर्षकन सां पढ़ियल रचनाउन में हिक औरत पारां ख़ुद जी तलाश, ऐं पंहिंजो पाण खे समझण, ऐं समझण, पश्चिमीअ संस्कृतीअ अस़र हेठि ख़तमु थींदड़ पूर्वीं संस्कृतीअ जो दर्दु ऐं माउ जे कोमल भावनाउन ऐं रिश्ते खे उजागर कयो। द्रोपदी चंदनाणीअ प्रीतम जी उकीर ऐं उनजी मौजूदगीअ में दिल में उथंदड़ अहिसासन खे पंहिंज्युन रचनाउन ‘मईअ जी बि॒पहरीअ में सावणु’ ऐं ‘तुहिंजो अहसासु’ ज़रीए पेश कयो। कवियत्री सम्मेलन जे आख़िर में श्रीमती शोभा लेखवाणीअ पंहिंज्युन कविताउन ज़रीए समाज में नारीअ जी हालत, संदस दर्द, ऐं समाज जे केतिरियुन ई ऊणायुन खे उकेरण वारियूं कविताऊं तन्ज़ी नमूने में पेश कयूं।
इन नंढे कवियत्री सम्मेलन खां पोइ शुरू थियो संगीत महफि़ल जो बि॒यों दौर। हिन दौर जी ख़ास्यित इहा हुई त हिनमें पंहिंजी गायिकीअ जो जोहरु डे॒खारण वारियूं सभु गायिकाऊं नयूं हुयूं ऐं उन्हन मां बि ब॒ गायिकाऊं ग़ैर-सिंधी हुयूं। बि॒एं दौर जी पहिरीं गायिका हुई शुभि शुक्ला जंहिं सदाहयात किशनचंद बेवस जी रचना ‘साईं ओ साईं, महिर वसाईं’ तमामु मधुर आवाज़ में पेश कई। गीत में आयल ‘ग॒’, ‘ड॒’ अखरन जा संदस उच्चारण अहिड़ा हुआ जिन मां किथे बि इएं कोन पिए लगो॒ त हूअ का ग़ैरसिंधी आहे। उनखां पोइ सोमिया भाईजी भिट धणी शाह अब्दुललतीफ़ जी रचना ‘पेरे पवंदीसांनि चवंदीसांनि, रही वञु राति भंभोर में’ वडी॒ श्रद्धा ऐं उकीर वारे अंदाज़ में पेश करे श्रोताउन खे मुतासि़र कयो। बिन्हीं ग़ैर-सिंधी गायिकाउन- शुभि शुक्ल ऐं सोमिया भाईजी सिंधी लोक गीतु ‘हिड॒कीअ मथां मूंखे आई हिड॒की, मां थी भायां मुंहिंजा मारू ईंदा’ एतिरे त मस्तीअ वारे अंदाज़ में गा॒यो जो श्रोता वाह-वाह करण लाइ मजबूर थी विया।
उन खां पोइ वारो आयो कामनी केवलरामाणीअ जो जंहिं पंहिंजी गायकीअ सां पंहिंजे संगीत जी तइलीम जो हुनुर डे॒खारींदे ब॒ गीत- ‘हर महफि़ल हर जाइ सजण तुंहिंजी आ वाखाण’ ऐं ‘जगंदी रहे जोति तुंहिंजी झूलण’ तमामु सुहिणे नमूने में पेश कयो। कामनीअ जो सुरु ऐं आवाज़ु नईं पीढ़ीअ पारां सिंधी संगीत खे ज़िंदह रखी अग॒ते वधाइण जूं उम्मेदूं जागा॒ए थो।
उनखां पोइ आयल कोमल मीरचंदाणी जेका हूंअं त नाटकन में पंहिंजी अदाकारी ऐं डांस ज़रीए जा॒ती वेंदी आहे, उहा बि सिंधूअ जे मंच तां पहिरियों दफ़ो सिंधी संगीत जे शाइक़न सां वाकिफ़ थी रही हुई। हुन पंहिंजे सुरीले अवाज़ में ब॒ गीत- ‘मुंहिंजे अङण आउ सुहिणा, तो लाइ नेण विछाए वेठी आहियां’ ऐं ‘मुंहिंजी बे॒ड़ी अथई विच सीर ते, पलउ पायां थी मां ज़िंदह पीर ते’ पेश करे सिंधी संगीत जे आईंदे बाबत उम्मेदुन खे ज़िंदह रखण जी पक डि॒यारी।
कवियत्री सम्मेलन ऐं संगीत सभा जो ख़ास आकर्षणु हुई ‘‘कौन बनेगा करोड़पति’’ टीवी प्रोग्राम में अमिताभ बच्चन जे शान में कविता पेश करे मशहूरी हासुल करण वारी द्रोपदी चंदनाणी, जंहिं पहिरियों दफ़ो कंहिं सिंधी प्रोग्राम में पंहिंजी पेशकश डि॒नी। पंहिंज्युन कविताउन ज़रीए त हूअ पंहिंजे अदबी रुख़ जो परिचय पहिरीं ई ड॒ई चुकी हुई पर उनखां पोइ संगीत महफि़ल जे बि॒एं दौर में हुन गोवर्धन भारतीअ जो लिखयलु गीतु ‘बे॒ड़ी पारि उतारि झूलण, तूं मुंहिंजो आधारु झूलण, तूं मुंहिंजो आधारु’ पेश करे पंहिंजे हरफ़न मौला हुअण जो स़बूत पेश कयो।
प्रोग्राम जे आख़िर में साहित्यकार नंदकुमार सन्मुखाणीअ सदाहयात भग॒वंती नावाणीअ जी गायकी ऐं जीवन ते तमामु बहितरीन नमूने रोशिनी विझंदे हिन महान शख़्सियत जी क़ाब्लियत ऐं ख़ूबियुन खां बुं॒धंदड़न खे वाकिफ़ कराईंदे संदस किन अणजा॒तल पहलुन- जीअं त गायकी तरफ संदसि लाड़े मथां हुनजी डा॒डी॒अ जो अस़रु, बंगाली संगीत जो अस़रु या अदबी ऐं नाट्य संस्था इप्टा में संदसि सक्रियता वग़ैरह- खे बि उजागर कयो।
‘सिन्धु’ जो हीउ मंचु पूरी तरह सां औरतुन खे समर्पित हो। एतिरे क़दुर जो संगीत जे कार्यक्रम में साज़न- हारमोनियम ते सरला नागदेव ऐं कांगो ते याशिका फुलवाणीअ जहिडि़युन सिंधी छोकरियुन संगत करे ऐलानु कयो त हाणे सिंधी ज़ाइफ़ाऊं संगीत जे खेतिर में बि कंहिं सां बि बरु मेचे सघन थियूं। संगीत में संगत करण वारा बि॒या कलाकार हुआ सर्वश्री तुलसी कलतारी ‘मोनिका’ सिंथेसाईज़र ते, गौरव श्रीवास्तव तबले ते ऐं अशोक तनवाणी ऑक्टोपेड ते।
हूंअं त हिन प्रोग्राम जो मंचु पूरी तरह सां औरतुन खे समर्पित हो पर श्रोताउन जी ख़ास फरमाइश ते क़ौमी सतह ते मशहूर सिंधी गायकन- नारी लच्छवाणी सदाहयात खीअलदास बेगवाणी ‘फ़ानी’ जी लिखियल रचना ‘मुंहिंजे मारुन जी ओ कांगा लउं का लाति’ ऐं दिलीप लालवाणीअ श्री अर्जन हासिद जो ग़ज़ल - ‘दिल में वसन था के, के दिल खां परे-परे’ पेश करे पंहिंजन सुरन सां संगीत महफि़ल जी शान वधाई।
समूरे कार्यक्रम जो संचालनु राष्ट्रीय स्तर जी मंच संचालिका कविता ईसराणी पंहिंजे विंदुड़ाईंदड़ अंदाज़ में मदुमस्तु आवाज़ सां कंदे समूरे कार्यक्रम में रंगत भरे छडी॒।
.jpg)
- भग॒वान बा॒बा॒णी
Thursday, February 2, 2012
डॉ. विनोद आसूदाणी खे ग़ज़ल संग्रह ‘‘बाहि जूं पाड़ूं’’ ते भारतीय भाषा परिषद पारां ‘‘युवा पुरस्कार’’
नागपुर, सिंधीअ जे मशहूर शायर, मनोवैज्ञानिक, प्रोफेसर ऐं नायाब शखि़्स़यत डॉ. विनोद आसूदाणीअ खे संदस ग़ज़लुन जे मजमूए ‘‘बाहि जूं पाड़ूं’’ ते भारतीय भाषा परिषद, कोलकाता पारां ‘‘युवा पुरस्कार’’ अत़ा कयो वियो आहे। इहो ऐज़ाज़ खेसि 18-19 फरवरीअ ते कोलकाता में थींदड़ हिक ख़ास समारोह में डि॒नो वेंदो।
जाण हुजे त डाॅ. विनोद आसूदाणीअ जा हेल ताईं पंज किताब शाया थी चुका आहिन जंहिंमां टे ग़ज़ल संग्रह आहिन। डॉ. आसूदाणीअ खे हीउ ऐज़ाज़ मिलण ते साहित्य जग॒त जी केतिरियुन ई हस्तियुन ख़ुशी ज़ाहिर कंदे खेसि वाधायूं डि॒नियूं आहिन। जिनमां ख़ास आहिन आदीपुर मां लखमी खिलाणी, साहिब बीजाणी, अहमदाबाद मां वासदेव मोही, जयराम चिमनाणी ‘दीप’, देहली मां मोहन हिमथाणी, भोपाल मां नारी लछवाणी, कनयो शेवाणी, भग॒वान बा॒बा॒णी, झम्मू छुगा॒णी, कनयो मोटवाणी ‘मांदो’, नागपुर मां ईसर कल्याणी, राजेश आसूदाणी, इन्दौर मां रश्मि रामाणी, होशंगाबाद मां महेश मूलचंदाणी, ग्वालियर मां नंदलाल दयाणी ‘त़ालिब’, रायपुर मां कैलाश ‘शादाब’, वग़ैरह।
डॉ. विनोद आसूदाणी हिन वक़्त नागपुर जे श्री रामदेवबाबा कालेज ऑफ इंजीनियरिंग ऐंड मैनेजमेंट में एसोशिएट प्रोफेसर ऐं ह्यूमनिटीज़ डिपार्टमेंट जो हेड ऑफ डिपार्टमेंट आहे।
-भग॒वान बा॒बा॒णी
‘‘हिक ई धागे॒ में पिरोयल’’ नाटक ज़रीए सिंधी भाषा
में गंभीर नाटकन तरफ़ हिकु देरीनो क़दमु
कोलकोता, कविवर रविन्द्रनाथ टैगोर जे जन्म जी 150 सालगिरह जे सिलसिले में
थियेटर लवर्स, कलकता पारां 15 जनवरी ते ‘‘हिक ई धागे॒ में पिरोयल’’ हिकु सिंधी
नाटकु कोलकोता में पेश कयो वियो जंहिं जी हिदायतकार हुई संगीता बापोली।
संगीता शादी त हिक बंगाली परिवार में कई आहे पर अजु॒ बि संदसि रूंइं-रूंइं में
सिंध्यत लाइ प्यारु हिन नाटक ज़रीए साफ़ु नज़र अचे थो।
गुरुदेव टैगोर जे टिन कहाणियुन- ‘नोश्तो नीर’, ‘दुई बोन’ ऐं ’स्त्री पौवत्रो’ जे आधार
ते सिंधीअ में अनुवाद श्रीकांत स़दिफ़ ऐं विमी सदारंगाणीअ सां गडि॒जी ख़ुद संगीता करे
उनखे नज़ाकत ऐं अकेलाईअ जे धागे में पिरोए चारूलता, शर्मीला, मृणाल ऐं बि॒यन
किरदारन जे रूप में पेश कयो आहे। हिन नाटक में पंहिंजे बैकग्राउंड म्यूजि़क सां जान
भरी आहे नौजवान गायक ऐं संगीतकार गिरीश साधवाणीअ। गुरुदेव टैगोर जे गीतन
खे मूल लहिजे मंझ निहायत ई ख़ूबस़ूरतीअ सां तर्जुमो कयो आहे असांजे बर्ख शाइर
अर्जुन हासिद ऐं प्रोफेसर विमी सदारंगाणीअ।
नाटक में पिरोयल कहाणियूं हीअं आहिन- चारूलता जी शादी पाण खां वडी॒ उमिर
वारे भूपतीअ सां थियल आहे, पर खेस मन जो मनठार पंहिंजे ई डे॒र जे रूप में मिले
थो जेको खेसि आखि़र में अकेलो छडे॒ थो वञे।
शर्मीला जेका हिक सचुपचु सुघड़ ऐं सची पतिव्रता स्त्री आहे उहा लाचार ऐं बेवस
थी पंहिंजे पतीअ खे पंहिंजी ई भेण (सालीअ) जे प्यार में पाग॒ल थी डि॒से ऐं होडां॒हुं
मृणाल पंहिंजी सखी बिंदूअ जे आपघात करण ते हताश थी पंहिंजी 15 सालन
गृहस्थीअ खे टोड़े छडे॒ थो।
हरहिक कहाणीअ खे पंहिंजी ख़ास्यित आहे। दर्शकन लाइ इहो डु॒ख्यो थी पियो त
हू कंहिंखे सुठे कलाकार जो उहिदो डि॒यन! टेई कहाणियूं गडु॒ हलंदे बि हिक बि॒ए खां
अलग॒ ऐं बेमिस़ाल आहिन।
संगीत जी मिक्सिंग बॉलीवुड जे मशहूर साउंड इंजीनियर नीलेश भगत निहायत
वणंदड़ कई आहे। काजल चंदीरामाणीअ जे सुरीले ऐं दिलसोज़ गीत ‘‘वाट अकेली हलंदे
हलंदे’’ हिकु समो ब॒धी छडि॒यो। नौजवान गायक गिरीश साधवाणीअ जे मधुर गीत
‘‘मां जा॒णां सुञाणा तोखे ओ विदेशी’’ मृणाल ऐं चारूलता जे प्रेम में जान विझी छडी॒।
जड॒हिं मृणाल संसार खे त्यागे॒ मुरली मनोहर जी मधुर मुरलीअ जी धुन में खोहिजी
थो वञे तड॒हिं गिरीश जो सोज़ भरियो आलापु जणु॒ मृणाल जी आत्मा में हिक रूहानी
रोशिनी थो भरे छडे॒।
रमेश बचाणीअ ऐं रीटा रोहिड़ा पंहिंजन किरदारन में असुल जान भरे छडी॒।
भूपतीअ जे किरदार में मोती महिताणीअ दर्शकन जो मनु मोहे छडि॒यो। जड॒हिं हू
महसूस थो करे त हू केतिरो न अंधो हो जो हू पंहिंजे भाउ ऐं ज़ाल जे रिश्ते खे समझी
न सघियो। गौरवसिंह शरत स्वदेशी नौजवान जे किरदार में हिकु सरप्राईज़ पैकेज हो,
बरखा सदारंगाणी नटखट ‘‘बिन्दू’’ जो रोल ऐं मृणाल जो किरदार, जेको नाटक जी
हिदायतकार संगीता पाण कयो, बेहद लाजवाब हुआ त अमल जे किरदार में दिनेश
ईसराणी ऐं चारूलता जे किरदार में लवीशा बचाणीअ बि पाणु मोखियो ऐं कहाणीअ सां
पूरो इंसाफु कंदे किरदारन में जान फूंके छडी॒।
सचपचु हिन नाटक जी पेशकश उहिञाणु आहे उन बदिलाव जो जंहिंजो सिंधी
थियेटर ऐं सिंधी रंगमंच खे बेस़ब्रीअ सां इंतज़ार हो।
नाटक डि॒सण वारन दर्शकन में शामिल जीतू पंजाबीअ चयो, ‘‘संगीता तो खीरूं
लहिणियूं उन महिनत लाइ जेका तो ऐं तुंहिंजे सजे॒ ग्रूप डे॒खारी, सिंधी थियेटर खे हिक
नईं दिशा ऐं नओं रुतिबो डि॒यण लाइ। मां इएं चवंदुस त जेके उन शाम हाल में
मौजूद न हुआ से उन्हन ऐतिहासिक घडि़युन जो हिस्सो बणिजण खां महिरूम रहिजी
विया’’।
टीकमदास जो चवणु आहे, ‘‘मां 70 सालन जो आहियां ऐं मूं पंहिंजे 70 सालन जी
ज़िंदगीअ में अहिड़ो नाटकु अगु॒में कड॒हिं कोन डि॒ठो आहे।’’
सिंधी पंचायत कोलकोता जो सेक्रेटरी मुरली पंजाबी चवे थो, ‘‘त सभिनी कलाकार
जो परफारमेंस बेऐब, उम्मेदुन खां परे ऐं क़ाबिल्यत भरियो हो’’। हिन नाटक जी
गहिराइप ऐं अदाकारन जी अदाकारी हर शख़्स़ जे अखियुन मां आंसूं थी आणे छडे॒।
- भग॒वान बा॒बा॒णी
Subscribe to:
Posts (Atom)