Saturday, December 10, 2011

स‍िन्धी पहाका ऐं चवण‍ियूं

    अखि
अखि अटिकाइणु
अखि अड़णु
अखि आली थियणु
अखि खणणु
अखि खुलणु
अखि खोड़णु
अखि चोराइणु
अखि टेड॒ करे डि॒सणु
अखि डे॒खारणु
अखि तिरिकणु
अखि कढणु
अखि पइजी वञणु
अखि पटणु
अखि पवणु
अखि पाइणु
अखि फड़कणु
अखि फरणु
अखि फिरड़ाइणु
अखि फुटी पीड़ा वेई
अखि फेरणु
अखि बदलाइणु
अखि बी॒टणु
अखि बु॒ड॒णु
अखि भञणु
अखि भरे निहारणु
अखि मां कढणु
अखि मुछ खे डि॒सणु
अखि में रखणु
अखि मेरी करणु
अखि लग॒णु
अखि लड़णु
अखि लड़ाइणु
अखि विझणु
अखि हणणु
अखिबू॒ करणु
अखिबू॒ खेड॒णु
अखियुनि अंधियूं अचणु
अखियुनि अंधो थियणु
अखियुनि अंधो थियणु
अखियुनि अगि॒यां टरणु
अखियुनि अगि॒यां फिरणु
अखियुनि जो पाणी सुकणु
अखियुनि जो सुर्मो चोराइणु
अखियुनि ते कपह जा पुड़ा चढ़णु
अखियुनि ते खोपा चढ़णु
अखियुनि ते चर्बी॒ चढ़णु
अखियुनि ते छपर चढ़णु
अखियुनि ते पटी ब॒धणु
अखियुनि ते पर्दो पवणु
अखियुनि ते रइ चढ़णु
अखियुनि ते रखणु
अखियुनि ते लट चढ़णु
अखियुनि ते विहारणु
अखियुनि मां आबु ओतणु
अखियुनि मां उला निकरणु
अखियुनि मां निकरणु
अखियुनि मां रतु छणणु
अखियुनि मां सुर्मो चोराइणु
अखियुनि में अखियूं विझणु
अखियुनि में गा॒ल्हाइणु
अखियुनि में दीद धारणु
अखियुनि में दीद हुअणु
अखियुनि में धूड़ि विझणु
अखियुनि में पाणी अचणु
अखियुनि में राति कटणु
अखियुनि में लिकाइणु
अखियुनि में लूणु विझणु
अखियुनि में सराई फेरणु
अखियुनि में सांढणु
अखियुनि में सुर्मो पाइणु
अखियूं अछियूं थियणु
अखियूं अड़ाइणु
अखियूं आसमान में हुअणु
अखियूं उथणु
अखियूं उभ डे॒ करणु
अखियूं कढणु
अखियूं कराइणु
अखियूं कापार में हुअणु
अखियूं खणी सघणु
अखियूं खुलणु
अखियूं खोलणु
अखियूं चर्ख़ु थियणु
अखियूं चारि थियणु
अखियूं छिंभणु
अखियूं छिति सां लग॒णु
अखियूं टुंबणु
अखियूं ठरणु
अखियूं ड॒रा थियणु
अखियूं थधियूं थियणु
अखियूं पटणु
अखियूं पटिजणु
अखियूं पाइणु
अखियूं पाए विहणु
अखियूं पूरणु
अखियूं पूरे कमु करणु
अखियूं पूरे हलणु
अखियूं फाटणु
अखियूं फेराइणु
अखियूं फोटाइणु
अखियूं बीही वञणु
अखियूं बू॒टणु
अखियूं मटिकाइणु
अखियूं मथे करे हलणु
अखियूं मिलाइणु
अखियूं विछाइणु
अखियूं वेही वञणु
अखियूं सेकणु
अखियूं हेठि करे हलणु

Monday, December 5, 2011

हिन्दू महिनन जा सिन्धी नाला


ह‍िन्‍दी
स‍िन्‍धी
चैत्र
चेट्रु (चेटु)
वैशाख
वेसाखु
ज्येष्ठ
जे॒ठु
आषाढ़
आखाड़ु
श्रावण
सावणु
भाद्रपद
बड्रो (बडो)
आश्विन
असू
कार्तिक
कती
अगहन
नाहिरी
पौष
पोहु
माघ
मांघु
फाल्गुन
फगु॒णु

Thursday, December 1, 2011

देहली सिंधी अकादमीअ पारां औरत साहित्यकारन जो अनूठो क़ौमी सेमीनार


देहली सिंधी अकादमीअ पारां औरत साहित्यकारन जो अनूठो क़ौमी सेमीनार

नईं दिल्ली, देहली सिंधी अकादमीअ पारां 19 ऐं 20 नवम्बर ते भारत जी क़ौमी राज॒धानीअ में पहिरियों दफ़ओ सिंधी औरत अदीबाउन जे अदबी पोरिहिए जी कथ करण जे लिहाज़ खां क़ौमी दर्जे जो सेमीनार मुनाकिद कयो वियो।
          हिन सेमीनार जो मुहूर्त सिंधी अकादमीअ जी सदर ऐं दिल्ली सूबाई वज़ीर डॉ. श्रीमती वालिया कयो।
          हिन सेमीनार जी कन्वेनर ऐं रूह रवां सुश्री वीना श्रंगीअ पंहिंजो की-नोट पेपर पेश कंदे चयो त देहली सिंधी अकादमी तरफां मुनाकि़द कयल लेखिकाउन जे अदबी काविशुन ते आधारित हिन क़ौमी सेमीनार में भारत जी कुंड कुड़िछ मां आयल तख़लीकारन जी दिल जे गहिरायुन सां आज्यां कंदे खेसि खुशी थी रही आहे। संदसि मुताबिक अजु॒ ख़्वांदिगीअ जो निर्खु ज़ालुन में तमामु घणे वधियो आहे ऐं केतिरियुन ई मुश्कि़लातुन खे मुंहुं डीं॒दे असांजूं सिंधी अदीबाऊं सिंधी अदब जे वाधारे लाइ पाणु पतोड़े रहियूं आहिन। हुन चयो त हिन सेमीनार जी ख़ास्यित इहा आहे त सभु मक़ाला/पेपर अदीबाउन पारां ई क़लमबंद कया विया आहिन, पर स़दारत अदीब करे रहिया आहिन। हर हिक पेपर ते तब्सरो करण वार ब॒ अदीब हुआ जंहिं मां हिक औरत त बि॒यो मर्दु। 
          सेमीनार जे पहिरियें डीं॒हं जो पहिरियों मक़ालो पेश कयो आदीपुर जी डॉ. विम्मी सदारंगाणीअ जंहिंजो मोज़ूअ हो सिंधु ऐं हिन्दु जे लेखिकाउनि जे अदब में नारी-आज़ादीअ जो पड़ाडो॒हिन मकाले ते बहसु करण वारा हुआ दिल्लीअ जो अदीबु मोहन हिमथाणी ऐं जयपुर जी अदीबा वीना कर्मचंदाणी पर वीना जे न अचण सबब संदसि जग॒हि ते बी॒ अदीबा तब्सिरो पेश कयो।  विम्मीअ जे मक़ाले मां काफी महिनत ऐं ऊन्हे अभ्यास जो आभासु थी रहियो हो। हिन पेपर जी सदारत दिल्लीअ जे आला अदीब लक्ष्मण भाटिया कोमल कई। 
          बि॒यो मक़ालो हो सिंधी लेखिकाउनि जे अदब में पुरुष हसासपुणो/संवेदशीलताजेको रीटा शाहाणीअ जो हो इनमें बहसु कंदड़ हुआ विशु बेलाणी ऐं नंदु झवेरी। इजलास जी सदारत प्रोफेसर सी. जे. डा॒सवाणीअ कई।
          मंझंदि जी मानीअ खां पोइ वारे इजलास जो पहिरियों ऐं डीं॒हं जो टियों पेपर हो वर्षा उधवदासाणीअ जो सिंधी लेखिकाउनि जे अदब में नारीअ जो चिटुहिन ते तब्सरो करण वारा हुआ आशा रंगवाणी ऐं नंदु छुगाणी। हिन जो  सदरु हो वासदेव मोही। पेपर में अदब में नारीअ जे चिट बदिरां लगी॒ रहियो हो त सिंधी अदब में नारीअ जो योगदानु ते ई रोशिनी विधी वेई हुई।
          सेमीनार जे पहिरिएं डीं॒हं जो चोथों ऐं आख़िरी मक़ालो पेश कयो भारती केवलरामाणीअ, जंहिंजो मोज़ूअ हो सिंधी लेखिकाउनि जूं आत्मकथाऊंहिन सेशन जी सदारत कंदड़ हो डॉ. मोती प्रकाश ऐं पेपर ते बहसु कंदड़ हुआ इंदिरा शबनम पूनावाला। हिन पेपर में कुछ आत्मकथाउन जो ज़िक्रु रहिजी वियो हो जेको तब्सरो कंदड़न ध्यान में डि॒यारियो।
          मक़ालन जो सेशन पूरो थियण खां पोइ शाम जो डॉ. मोतीप्रकाश जे जीवन ऐं रचनाकर्म ते मर्कज़ी साहित्य अकादमी पारां ठाहियल डॉक्यूमेंटरी सेमीनार में आयलन खे डे॒खारी वेई। इन खां पोइ हिन सेमीनार खे हिकु यादगार बणाइण वारो जेको इस्मु पेश कयो वियो उहो हो सुश्री उमा लाला जी गायकीअ ते कुमारी नम्रता जो कत्थक डांस जेको शाह अब्दुल लतीफ भिटाई जे बेतन ते आधारित हो।
          20 नवम्बर जे पहिरियें इजलास जो पहिरियों पेपर हो हमअसर सिंधी लेखिकाउनि जे अदब जा मोज़ूअ जेको प्रोफेसर संध्या कुंदनाणीअ जो लिखियलु हो ऐं तब्सरो कंदड़ हुआ डॉ. ध्रुव तनवाणी ऐं डॉ. रवि प्रकाश टेकचंदाणी ऐं सदारत करण वारा हुआ डॉ. ब॒लदेव अटलाणी। डॉ. टेकचंदाणीअ मक़ाले जे कमियुन डां॒हुं इशारो कंदे मक़ाले लिखण जी कला ऐं तकनीक ते आलिमाणा विचार पेश कया।
          हिन इजलास जो बि॒यों पेपर सिंधी लेखिकाउनि जूं रचनाऊं-समाजी पसमंज़र मेंसुश्री शालिनी सागर जो हो, जंहिंजी बो॒ली तमामु नफ़ीस ऐं दिल खे छुहंदड़ हुई ऐं सागी॒ गा॒ल्हि संदसि पेशकश में हुई। हिन मक़ाले ते बहसु कयो माया राही ऐं प्रो. नामदेव ताराचंदाणीअ ऐं सदारत कंदड़ हुआ अर्जन हासिद
          सेमीनार जो जेको आखि़री मक़ालो पेश कयो वियो उहो लिखियालु हो प्रोफेसर कला प्रकाश जो जेका पाण हिन सेमीनार में शामिल न थी सघी हुई। मक़ाले जो उन्वानु हो सिंधी लेखिकाउनि जे अदब में जमालियाती पहलूहिन पेपर ते बहसु कंदड़ हुआ डॉ. कमला गोकलाणी ऐं डॉ. विनोद आसूदाणी। डॉ. कमला गोकलाणी जिते बहस कंदे हिकु नओं मक़ालो जमालियात जी माना समझाइण लाइ पेश कयो उते डॉ. विनोद आसूदाणीअ पंहिंजे आलमाणे तब्सरे सां सभिनी जो मनु मोहे छडि॒यो। हिन मक़ाले जी सदारत कई हीरे ठकुर।
          आखि़र में सेमीनार ते कुल तब्सरो पेश कयो वियो। तब्सरो पेश करण जे त़रीक़े मां इहो ज़ाहिर थी रहियो हो त कुल तब्सरो पेश करण वारन जो शायद इहो पहिरियों मौक़ो हो।
          इन खां पोइ वारो आयो खुलियल इजलास जंहिंजो गडि॒यलु संचालनु विंदड़ाईंदड़ नमूने में कयो देहली सिंधी अकादमी जे मेम्बर सुश्री रेणू इदनाणी ऐं मोहिनी हिंगोराणीअ। खुलियल इजलास जूं ब॒ हासिलात हुयूं श्रीमती खुशालाणी पारां समूरे कार्यक्रम जी आलमाणी छंडछाण ऐं बि॒यो डॉ. विनोद आसूदाणी पारां मक़ाला लिखण जी रिवायत, उनजूं घुरिजू, महिदूदिगियूं ऐं फारमेट। हुन मुताबिक सेमीनार में जेके बि पेपर पेश कया विया उन्हन मां को बि मक़ाले जे घुरिजुन ते पुख़्तो न हो। हुन मज़मून, ऐं मक़ाले विचमें तफावत बाबत कईं नुक़्ता पेश कया ऐं इन पसमंज़र में हुन एनसीपीएसएल ऐं साहित्य अकादमीअ अगि॒यां हिकु सुझाउ बि रखियो त हिकु सेमीनार या वर्कशाप मक़ालो लिखण जी तकनीक ते बि रखियो वञे जंहिंमें मक़ालो लिखण जी ट्रेनिंग डि॒नी वञे।  
          सेमीनार जी पुजा॒णीअ जी तकरीर पेश कंदे देहली सिंधी अकादमीअ जी सेक्रेटरी सुश्री सिंधू भागिया मिश्रा सेमीनार में शिरकत कंदड़न सभिनी अदीब ऐं अदीबाउन ऐं खाते जी वज़ीर श्रीमती वालिया जा शुक्राना अदा कया।
-भग॒वान बा॒बा॒णी

Wednesday, November 30, 2011

सिन्धी लोक अदब ते एनसीपीएसएल पारां 2 डीं॒हंन जो क़ौमी सेमीनार


सिन्धी लोक अदब ते एनसीपीएसएल पारां 2 डीं॒हंन जो क़ौमी सेमीनार
  
भुज॒, राष्ट्रीय सिन्धी बो॒ली विकास परिषद (एनसीपीएसएल) पारां 26-27 नवम्बर ते भारत ऐं पाकिस्तान जी सरहदी इलाइक़े धारदो ब॒नी में सिन्धी लोक अदब ते हिकु क़ौमी सतह जो सेमीनार आयोजित कयो वियो।
          बि॒न डीं॒हंन जे हिन कार्यक्रम जो उदघान उतां जे कलेक्टर श्री तारासेन कयो।  सेमीनार  में मुहुर्ती तकरीर कंदे एनसीपीएसएल जे डॉयरेक्टर श्री निर्मल गोपलाणी सभिनी आयलन जी आज्यां कई। हुन पंहिंजी तकरीर में एनसीपीएसएल पारां हलंदड़ योजनाउन, थींदड़ कमन, सरगर्मियुन ऐं प्रोग्रामन बाबत जा॒णि डि॒नी। कार्यक्रम जी सदारत दिल्ली जे बर्खु तहक़ीक़ी अदीब हीरे ठकुर कई। सेमीनार ते की नोट पेश कयो डॉ. सतीश रोहड़ा। कार्यक्रम जा मुख्य मेहमान हुआ श्री कन्हैयालाल केवलरामाणी ऐं थोराइता अदा कया ब॒नी इलाइक़े जे बर्खु अदीब कलाधर मुतवा।
          26 नवम्बर जी रात जो सांस्कृतिक प्रोग्राम रखियो वियो जंहिंमें सिंधी लोक कलाकारन सर्वश्री लालजी सुतार, मियां हसन, अब्दुल हाफि़ज़, यूसुफ, मज़हर हुसैन, नाथन, मो. अब्दुल तारिक, मुबारक मूसो, समल सजण, नूर मोहम्मद सोनी ऐं बि॒यन केतिरन ई कलाकारन पंहिंजे सूफ़ी ऐं शास्त्री गायकीअ ज़रीए बुधंदड़न खे झूमाए छडि॒यो।
          2 डीं॒हंन जे हिन सेमीनार जे सभिनी इजलासन जी कार्रवाई श्री निर्मल गोपलाणीअ तमाम शानाइते नमूने हलाई। तहक़ीक़ी मक़ाला पेश करण वारा हुआ सर्वश्री जे॒ठो लालवाणी, वेढ़ो रफ़ीक़, कलाधर मुतवा, हीरो ठकुर, डॉ. मोती प्रकाश ऐं नारायण जोशी।
          इजलासन जी सदारत कई डॉ. निर्मला आसनाणी, डॉ. किशन खूबचंदाणी, माधव जोशी, डॉ. कमला गोपलाणी, ऐं झम्मू छुगा॒णीअ। मक़ालन ते पंहिंजा आलमाणा तब्सरा पेश कया सर्वश्री लालजी भाई ऐं विमी सदारंगाणीअ।
          सेमीनार जी पुजा॒णीअ ते एनसीपीएसएल जे डॉयरेक्टर निर्मल गोपलाणीअ थोराइता अदा कया।
 -भग॒वान बा॒बा॒णी