सामीअ वेद सुणाया………

सिन्धीअ जी मूल लिपी देवनागरीअ में सिन्धीअ जो आध्यात्मिक साहित्य पेश करण में प्रोफेसर लछमण परसराम हर्दवाणी साहिब जो वडो योगदान आहे। प्रोफेसर हर्दवाणी साहिब 18 सदीअ वारी सिन्धी भगिती साहित्य जी टिमूर्ती शाह लतीफ, सचल सरमस्त ऐं सामीअ जी कविता जो देवनागरीअ में लिप्यंतरण कयो आहे।

प्रोफेसर हर्दवाणीअ सिर्फ सिन्धी भाषा में ई 30 खां वधीक किताब लिख्या/तर्जुमो कया आहिन। इन खां सवाइ हिंदी, मराठी ऐं अंग्रेज़ी भाषा में बि किताबन जो तर्जुमो कयो आहे।

68 वर्हियन जी उमि‍रि में बि प्रोफेसर हर्दवाणी साहिब देवनागरी लिपीअ में सिन्धी साहित्य खे मालामाल करे रहिया आहिन।

प्रोफेसर हर्दवाणीअ जो ताज़ो किताबु आहे - 'सामीअ वेद सुणाया....' हिन पुस्तक में सामी साहिब जा 100 सलोक अर्थ सां डिनल आहिनि। प्रोफेसर हर्दवाणीअ सवली सिन्धी भाषा में सामीअ जा सलोक समुझाया आहिनि। किताब में सामीअ जे जीवन चरित्र, सलोकनि जा भाव ऐं फिलॉसाफी ते रोशनी विधल आहे।

सामी साहिब वेदान्ती कवी आहिनि। इन करे प्रोफेसर हर्दवाणी साहिब वेदान्त-दर्शन जी काफी जाण हिन किताब में डिनी आहे। प्रोफेसर हर्दवाणीअ सुठे नमूने वेद, ब्रम्ह, जगत, माया, आत्मा, आत्मज्ञान, भगिती, सत्गुरू, जी व्याख्या कई आहे।

किताब जो पेपर ऐं छपाई बहतरीन आहे। कवर सुहिणो आहे। ‍िहन किताब जा प्रकाशक आहिनि- सेठ भजनलाल रोहरा चैरिटेबल ट्रस्ट, दौलत नगर, बोरीवली (पूर्व), मुम्बइ-400066 ऐं किताब जो मुल्हु आहे - श्रद्धा ऐं प्रेम।

समूरो किताबु रंगीन आहे ऐं सांढे रखण जोगो आहे ।

असांजूं ईंदड़ पीढ़ियूं जडहिं पंहिंजूं पाड़ूं गोल्हण निकरंदियूं तडहिं इहे किताब ई उन्हनि खे पाड़ुनि ताईं पहुचाईंदा।

प्रोफेसर लछमण परसराम हर्दवाणी जी एड्रेस आहे -

'कविता', प्रोफेसर कालोनी,

सावेड़ी अहमदनगर-४१४००३

मोबाइल नम्बर- ०९८९०६९३९३१

Email: lphardwani@yahoo.com