Friday, March 4, 2011

भारतीय प्रशासनिक सेवा में सिंधी बोली
[पहिरीं किस्त]

लेखकु - डॉ. रविप्रकाश टेकचंदाणी
ravitekchandani@rediffmail.com
प्रस्तुति - भवान बाबाणी
15 आगस्ट 1947 जे डींहुं भारत देशु अंग्रेज़न जी गु़लामीअ खां आज़ाद थियो, पर हिन
आज़ादीअ लाइ भारतवासियुन खे जेका वडे में वडी क़ीमत चुकाइणी पई सा हुई मुल्क जो विरहाङो । इन विरहाङे सबब असांजो सूंहांरो सूबो सिंध समूरो ओलह पाकिस्तान जो हिस्सो बणायो वियो ।
हक़ीक़त में ‍ि सिजे त इन्हीअ तारीख़ी बदिलाअ में पंजाबियुन ऐं बंगालियुन खे भारत में बि पंहिंजी-पंहिंजी भाषा जो इलाइक़ो हासिल थियो पर आज़ाद भारत में सिंधी भाषा खे पंहिंजो को बि क्षेत्र न मिल्यो। इनकरे आज़ादीअ खां पोइ जेके अटिकल बारहां लख खनु सिंधी हिन्दू हालतुन खां मजबूर थी पंहिंजी जन्मभूमी त्यागे भारत में आया, उहे हिन विशाल देश जे जुदा-जुदा प्रांतन में
फहिलजी दाणो-दाणो थी विया । जिते-जिते खेन अटो, लटो, अझो मुयसिर थियो उते-उते उहे थिड़थांव करे वसी विया। मौजूदह आदिमशुमारी मूजिब जिन प्रांतन में सिंधी भाषी घणे तइदाद में रहंदड़ आहिन उहे प्रांत आहिन- गुजरात, महाराष्ट्र्, राजस्थान, मध्यप्रदेश, छतीसगढ़, उत्तप्रदेश, दिल्ली ।
छिड़-विछड़ थी रहण जो नतीजो इहो निकितो आहे जो सिंधी भाषा, संस्कृती ऐं तइलीम खे तमामु घणो नुक्सान रसियो आहे। न सिंधी सूबो, न सी.एम., सिंधी कंहिं बि प्रांत में सरकारी बोली जो पदु हासुल न करे सघिया, नुक़सानु ई नुक़सानु।
अहिड़युन कठिन हालतुन सां मुक़ाबिलो करण लाइ सिंधी समाज जा बानीकार, साहित्यकार ऐं तइलीमदान हिकदम कमर कसे बीठा । जिन प्रांतन में सिंधी भाषी घणे तइदाद में हुआ उते उते सिंधी माध्यम वारा स्कूल खोलिया विया। सागीअ तरह सिंधी साहित्यकारनि बि पंहिंजे हड़ां खर्चु करे बि सिंधी साहित्य जे विकास ऐं वाधारे लाइ अदबी रिसाला ऐं किताब छपाइणु शुरू कया। इहे सभु कोशिशूं शुरूआती दौर में पाण मुरादो सिंधियुन शुरू कयूं। इन लाइ खेनि का सरकारी माली मदद कान मिली । उन शुरूआती दौर में सिंधी बोलीअ लाइ भारत में कहिड़ी लिपी अपनाइजे इन ते असांजे नेताउन, साहित्यकारन ऐं तइलीमदानन जे विचमें सख्‍तु मतभेद पैदा थी विया। पर इन्हीअ गाल्हि ते सभेई पाण में शामिल राइ हुआ त भारत जे संविधान में सिंधी बोलीअ खे ज़रूर शामिल कराइजे। इन ‍िस में सभेई यकमुश्त थी कोशिश करण लगा। इनजो नतीजो इहो निकितो त 10 अप्रेल 1967 ते चेटी चंड जे डींहं ते भारत जे संविधान जे अठें शेडयूल में सिंधी बोलीअ खे तसलीम करण जो भारत सरकार ऐलानु कयो।
संविधान में सिंधी भाषा तसलीम थियण बैद सरकारी सतह ते उनजे विकास लाइ अल - अल योजनाऊं शुरू कयूं वयूं। 1967 में ई आकाशवाणी तां सिंधीअ में समाचार ‍ियण जी शुरूआत कई वेई। उन लाइ समाचार पढ़ंदड़ मुकरर कया विया, उन बैद आकाशवाणी जे विदेश प्रासारण सेवा में बि सिंधी प्रोग्राम ‍ियण जी शुरूआत कई वई। राज्यसभा ऐं लोकसभा जी कार्यवाही सिंधीअ में क़लमबंद करण लाइ सिंधी संपादक मुकरर कया विया। 1969 में संघ लोक सेवा आयोग जे इम्तिहान सिविल सेवा में बि सिंधी विषय ऐं सिंधी माध्यम शुरू कयो वियो। इनखां सवाइ संस्कृत ऐं उर्दू जी तर्ज़ ते सिंधी भाषा ऐं साहित्य जे विकास लाइ बि मर्क़ज़ी सरकार अल -अल योजनाउन जी शुरूआत कई। 1975 खां वठी सिंधी सलाहकार समिति बर्पा करे सिंधी भाषा जे विकास जो कमु केन्द्रीय हिन्दी निदेशालय खे सोंपियो वियो। सन 1994 में उन समितीअ जी घुर खे मानु डींदे केन्द्रीय सरकार संस्कृत ऐं उर्दू वांगुर राष्ट्रीय सिंधी भाषा विकास परिषद जी स्थापाना कई। उनखां सवाइ जिन-जिन प्रांतन में सिंधी घणी तइदाद में रहनि था उते-उते सिंधी अकादमियूं बि स्थापित कयूं वयूं। इनखां सवाइ तइलीप जे खेत्र में दिल्ली यूनीवर्सिटी, बम्बई यूनीवर्सिटी, महर्षि दयानंद सरस्वती यूनीवर्सिटी अजमेर, महाराजा सियाजीराव यूनीवर्सिटी बड़ोदा, कच्छ
यूनीवर्सिटी, गुजरात में सिंधी भाषा पढ़ाइण जो इंतज़ाम आहे।
[हलंदड़]

No comments:

Post a Comment