गीतु
रिमझिम रिमझिम...
रिमझिम रिमझिम वणण लगी आ।
बुडंदड़ दिल अजु तरण लगी आ॥
सावण आंदा सावा डींहं,
मौज मचाइ आहे मींहं,
सादी सूदी दिलड़ी मुंहिंजी,
मौसम सां गडु खरण लगी आ।
रिमझिम रिमझिम वणण लगी आ।।
बादलु बिजली हिकु गडिजी थिया,
शरमाए सिजु चंडु लिकी विया,
सार सताए मूंखे कंहिंजी,
साजी अखि भी फरण लगी आ।
रिमझिम रिमझिम वणण लगी आ।।
मस्त हवा पर अखिड़ियूं आलियूं,
दिल खोले वेठी के गाल्हियूं,
हल्की हल्की हीर हलण सां,
बाहि बिरिह जी बरण लगी आ।
रिमझिम रिमझिम वणण लगी आ।।
-नारी लच्छवाणी
ए-31 न्यू, बैरागढ़, भोपाल-462030
फोन- 0755-2641962
No comments:
Post a Comment