पागल, प्रेमी, प्रीतम
नोट- हिन कहाणीअ में बि सिन्धी नसर जे शुराआती दौर वांगुर हिक अखर जो वधि में वधि इस्तेमाल कयल आहे। उहो अखर आहे 'प'. (पढ़ो सिन्धी नसर जी तारीख़-दादा मंघाराम मलकाणी, सुफो 27 सिट 13)
प्रीतम! पंडित पंजूराम पारूमल पंजवाणीअ जो प्यारो पंजो पुटु पोपटीअ जे प्यार में पागल बणिजी, पोपटी पोपटी पुकारींदे, पथर पब्लिक डांहुं फिटा कंदे, प्रीतमपुरा में पीउ पंडित पंजूराम पंजवाणीअ ऐं पंहिंजो नालो बदनाम करे, हिक डींहुं पग पाए, पानु खाई, पंहिंजे पंजन प्यारन दोस्तन, पहूअ, पालूअ, पेसूअ, प्यारे खे पकड़े, पोपटीअ जे पीउ वटि पोपटीअ जो पेरु... सॉरी, हथु घुरण वयो त मोट में पोपटीअ जे पीउ जा पादर मिल्यसि।
पादर खाई पागल प्रेमी, प्रीतम गमु गलत करण लाइ, पंज पौआ पारसी, पमन इरानीअ जे पहलवान नोकर पांडूरंग खां पैसन सां खरीदे पंहिंजे घर पहुतो।
पंज ई पौआ पीअण बैदि प्रीतम पंहिंजी प्यारी पोपटीअ जे प्यार में पागल बणिजी, पुन्हू जियां प्यार में कुरबान थींदे पंहिंजी बालकनीअ मां हेठि टपो डिनो।
नशे में पागल प्रीतम इहो बि भुलिजी वयो हो त संदसि घरु ग्राउंड फलोर ते ई आहे। प्रीतम किरी पंहिंजो पेरु भञाए होश में ईंदे मंडिकाए, मंडिकाइंदे प्रीतम आन मिलो, प्रीतम आन मिलो बेतालो बेसुर गाइंदे वापस घर पहुतो।
(हिन मिनी कहाणीअ में 'प' अखर जो इस्तेमाल अटिकल हिकु सौ हिकु दफा कयल आहे। )
--मदन जुमाणी
No comments:
Post a Comment