सिन्धुपति महाराजा दाहिरसेन जो 1300वां बलिदान दींह 16 जून 2012

सिन्धुपति महाराजा दाहिरसेन जो 1300वां बलिदान दींह 16 जून 2012

राजस्थान जी जमीन ते रचियो वेन्दो इतिहास

हर हिक सिन्‍धी परिवार खे हिस्‍सेदार,गवाह थियणु आहे

16 जून 2012 ते राजस्थान जे अजमेर सिथत महाराजा दाहिरसेन जो स्मारक गवाह थीन्दो राजस्थान जी सिनिधयत जे इतिहास में, जडिंह राजस्थान जे नढिंरा-नढिंरा गांव, कस्बनि ऐं शहरनि जा सिन्धी भाउर गदु थीन्दा। न फकत सिन्ध, बलिक हिन्द जी शान सिन्धुपति महाराजा दाहिरसेन जे 1300वें बलिदान दींह ते उनखे भावपूर्ण श्रद्धांजलि दियण लाइ। इहा त अटिकल सभिनी खे जाण आहे त सिन्ध जे महाराजा दाहिरसेन अरबनि जे आक्रान्ता मोहम्मद बिन कासिम जे आक्रमण जो वीरता सां सामनो कयो। जयचंद जे षडयन्त्र जे सबब उन्हनि खे दुर्भाग्य सां हार जो सामनो करिणो पियो। पर उन्हनि जी अदभुत वीरता सां दिनल बलिदान जे करे सजे हिन्दुत्व खे गौरवानिवत करे दिनो।

भारतीय सिन्धु सभा जी राजस्थान र्इकार्इ जा अध्यक्ष श्री लेखराज माधू बुधायो त हिन दींह राजस्थान जे हरहिक गांव, कस्बे ऐं शहरनि जा प्रतिनिधि शामिल थीन्दा, जिते बि सिन्धी भाउर रहन्दा आहिन। गदोगदु विदेशनि में रहण वारा सिन्धी भाउर खे बि हिन ऐतिहासिक मौके ते आहूत यज्ञ में पहिंजी आहूति दियण लाइ नींड दिनी वेर्इ आहे। देश भर जे सिन्धी संत समाज बि हिन कार्यक्रम में पहिंजी धर्म ध्वजा सां गदु शामिल थीन्दा। 

श्री माधू इहो बि बुधायो त सिन्धी संस्—ति, सिन्धी भाषा ऐं सिनिधयत खे बचाये रखण लाइ संकलिपत भारतीय सिन्धु सभा सिन्धुपति महाराजा दाहिरसेन, जहिं हिन्दुत्व जी आन-बान जे लाइ न फकत पहिंजे बलिक सजे परिवार जो आत्मोसर्ग देश हित में कयो हो, उन्हनि जे1300वें बलिदान दींह ते सच्ची श्रद्वाजंलि दियण लाइ ऐं सजे हिन्दू समाज जो सहकार वठण लाइ इहो कार्यक्रम रखियो वियो आहे। कार्यक्रम में सिन्धी समाज जी भागीदारी लाइ सभिनी पंचायतुनि, समाज जे सन्तनि ऐं विभिन्न संस्थाउनि जे सहयोग जी अपील कर्इ आहे। 

पहिरियें चरण में कार्यक्रम जो प्रचार-प्रसार करे जन सामान्य खे विशाल कार्यक्रम जी जाण दियण लाइ भारतीय सिन्धु सभा जी सजी प्रदेश कार्यकारिणी सजे प्रान्त में दौरा करे सूचना पत्रकनि, हेण्डबिल्स ऐं स्टीकर्स जे माध्यंम सां वदी तादाद में 16 जून ते अजमेर अचण जी नींड दिनी आहे।

भारतीय सिन्धु सभा जे प्रदेश संगठन मन्त्री श्री मोहनलाल वाधवाणी बुधायो त सभा पारां सजे साल खे बलिदान साल घोषित कयो वियो आहे ऐं दिसम्बर महिने सां र्इ हर महिने सिन्धु सभा जी विभिन्न इकार्इयुनि पारां समाजोपयोगी कार्यक्रम आयोजित कया विया आहिन। इन्हीं कड़ीअ में मार्च महिने में युवा सम्मेलन ऐं बुद्विजीवी सम्मेलन आयोजित कया वेन्दा। चेटीचण्ड जे मौके ते विभिन्न पत्र-पत्रिकाउनि में महाराजा दाहिरसेन विशेषांक प्रकाशित कया वेन्दा। 

उन्हनि बुधायो त सुखद संयोग आहे त राजस्थान जी सभ खां वधीक विकरिण वारी पाक्षिक पत्रिका पाथेयकण पहिंजे इन्दड अंक खे महाराजा दाहिरसेन विशेषांक ऐं सिन्धी संस्—ति ते र्इ केनिæत रखण जो फैसिलो कयो आहे। अप्रेल 2012 में सिन्धी भाषा दींह ऐं साहित्यकार सम्मेलन आयोजित कया वेन्दा। मर्इ 2012 में सांस्—तिक कार्यक्रम गीत, संगीत, नाटक, भगत,कविता, सिन्धी पिकचर्स जे माध्यम सां जन जागृति जा कार्यक्रम आयोजित कया वेन्दा। 1 खां14 जून तांर्इं दाहिरसेन पखवाडो ऐं 15 जून ते अजमेर में अखिल भारतीय सिन्धी सन्त सम्मेलन ऐं विश्व सिन्धी सम्मेलन, अखिल भारतीय सिन्धी पत्रकार, सिन्धी साहित्यकार सम्मेलन आयोजित कया वेंदा।

उन्हनि इहो बि बुधायो त 16 जून 2012 ते सिन्धुपति महाराजा दाहरसेन स्मारक अजमेर में समापन समारोह में सजे प्रान्त ऐं दुनिया जे विभिन्न देषनि मां आयल एन.आर.आर्इ. ऐं देश भर जे सन्तनि जी छत्रछाया में दुनिया जे सभ खां विशाल हिन्दू संगठन राष्ट्रीय स्वयं सेवक संघ जे प्रमुख मा0 मोहन जी भागवत जी अध्यक्षता में अ¥ां तार्इं जो सभ खां वदे सिन्धी कार्यक्रम जो आयोजन थीन्दो, जहिंमें 25000 हजार खां वधीक समाज जा भाउरनि जे वहिरो वठण जी संभावना आहे।

Shankar Manghnani manghnani.lal@gmail.com

ग़ज़ल

       गोप कमल

(1)

इअं त हर शख्‍सु मुर्की मिलंदो आ,

दिल खे पर कोई कोई वणंदो आ।

शहिर में हरिको हुन खां डकंदो आ,

हाणे संतनि सां उथंदो विहंदो आ।

हुन खे साम्हूंअचण जी हिमथ नाहि,

मुंहिंजे परपुठि ई मूंसा विढ़ंदो आ।

वक्‍़तु ख़ूबियूं मटे छडींदो आ, 

गुलु बि कंडनि जियां ई चुभंदो आ।

चालबाज़ियूं सजियूं हू समिझे थो,

चुपि करे रंग वेही डिसंदो आ।

ज़ख्म कंहिं कंहिं डिना, गणे छा कबो,

घाव ते हथु रखी हू खिलंदो आ।

पर्ख नाहे हुनर जी कंहिंखे हिते,

पंहिंजी धुन ते अकेलो नचंदो आ।

खेसि चवणो घणो ई, केरु बुधे,

आङुरियुनि सां हवा ते लिखंदो आ।

ख़ौफु खाई कमल खां ढकि न पुठी,

हू छुरो पाण खे ई हणंदो आ।

(2)

तुंहिंजो मुंहिंजो हिंअर कोबि रिश्तो न आ,

तूं जुदा थी विएं, छा ही सुपिनो न आ।

पंहिंजे अंदर जी सुधि, हू पवणु कीन डिए,

हुनजे घर में लगलु को झरोको न आ।

तो त पथर हंयो, मोट कहिड़ी डियां,

सिर्फु गुलु आ, हथनि में सिरोटो न आ।

मुंहिंजू चीख़ूं बुधी, बार छो था मिड़नि,

दांहं घोरारूअ जो को ई होको न आ।

डाहो थी, छडि खणी, ईअं भाकुरु न पाइ,

ही खुलियलु रस्तो आ, बंदि कमिरो न आ।

कंहिं चयो पे त मूं वटि न आहे ज़ुबान,

सचु चई थो सघां, पर मोक़ो न आ।

आख़िरी शाख़ भी, अजु छिजी धार थी,

को छणियलु वणु कडहिं छांव डींदो न आ।

भलि त चप मेणि जा, होसिलो आ बुलंदु,

सिजु चुमी थो सघां पर हू वेझो न आ।

सोचीं नुक़सान ऐं फ़ाइदा ई रुगो,

दोस्ती वाणिए जो कोई  लेखो न आ।

को मञे  ई नथो, सभु पुछी पक था कनि,

हाणे कंहिंखे कमल  ते  भरोसो न आ

सिन्धी साहित्य सुरभि

(सिन्धी साहित्यु हिन्दीअ में )

(छमाही हिन्दी पत्रिका)

नवंबर 2011 रजत जयंती अंकु

संपादक - लक्ष्मण भंभाणी

सुहिणी पब्लिकेशन, पी ओ बाक्स नं 9, शास्त्री नगर, जयपुर - 302016

कार्यालय - 182, सिन्धी कालोनी, बनी पार्क, जयपुर - 302016

फोन : 0141- 2282030,

094145-43251

नवां किताब

सिज अगियां बुकु

(ग़ज़ल संग्रह - अरबी ऐं देवनागरी लिपीअ में)

शाइरु - गोप कमल

एड्रेस -

(1)24, विश्राम सोसाइटी, पदमजी पार्क, पूणे - 411002

(2) पोस्ट बाक्स 1691, दुबई

(यू ए ई)

Email : gopedaryani@hotmail.com

पहाका ऐं चवणियूं

कचीअ कुना न वरिया त पकीअ छा वरंदा?

नंढे हूंदे ई आदतूं पकी थी वञणु।

        

कडहिं भरीअ में कडहिं भाकुर में।

कडहिं घटि त कडहिं वधि।

        

काती थी सोनी त कंधु  कोन कपींदी छा?

सुठे माण्हूअ खां बि कसो कमु थियणु।

        

कम खे मज़ूर घणा, मज़ूरनि खे कम घणा।

कमु कंदड़ खे रोज़गार जी खेटि नाहे।

करि चङाई जट सां त फेरे हणे पट सां।

अहसान फरामोशु हुअणु।

        

कहिड़ा फाढ़ा वेठो मारीं?

को बि कमु न करणु।

        

क़ाज़ी रुश्वत ते राजी।

इन्साफु करण में बेईमानु।

        

काठ सां गडु लोहु बि तरी वञणु।

सुठे माल सां गडु हल्को बि विकामी वञे।

        

काठु खुटो, वाढो छुटो।

कमु लहण खां पोइ को कंहिं खे कोन पुछे।

        

प्रोफेसर  लछमण  हर्दवाणी

lphardwani@yahoo.com

करि चङाई जट सां त फेरे हणे पट सां।

अहसान फरामोशु हुअणु।

        

कहिड़ा फाढ़ा वेठो मारीं?

को बि कमु न करणु।

        

क़ाज़ी रुश्वत ते राजी।

इन्साफु करण में बेईमानु।

        

काठ सां गडु लोहु बि तरी वञणु।

सुठे माल सां गडु हल्को बि विकामी वञे।

        

काठु खुटो, वाढो छुटो।

कमु लहण खां पोइ को कंहिं खे कोन पुछे।

        

प्रोफेसर  लछमण  हर्दवाणी

lphardwani@yahoo.com

अटूअ पटूअ जी औधरि- बीमारीअ जी दवा

 मोहन थानवी

bahubhashi@gmail.com

बीमारीअ जी बदकिस्मती! मींहं जी मुंद में अची अट्टूअ खे लगी। बदन में सूरु,
सरदी, खंगि, जुकामु.... हा बाबा हा.... इएं सभु....!

मुंद खे कोसींदे अट्टू साहिबु बिनि 

डींहनि मंझि‍ टे डाकदर मटे वठ्या। 

इन्हनि बीमारियुनि  मां  हिक  बि  न  लथसि। हा.... थकान जी बीमारी पाण  बी  लगी  वयसि।  चाइनाराम सिन्धी  हलवाईअ जी सिन्धी मिठाई  सिन्धी 

हलवे जो टिन जे ठहियल हिक दबे में अट्टू साहिब ठूंसे ठूंसे करे टेबलेट्स जी 

स्ट्रिप्स भरे रखियूं। गडोगडु इनव्हेलर बाम ऐं हिकु थर्मामीटर बि सांभे वरताईं। चइनि डींहनि बैदि‍ त हुन खे आफिस मूं टेलीफून अचण लगा - ऑफिस अची वञो दादा न त विदाउट पे मञा  वेन्दव!

अट्टू साहिब भला ईअं कींअं थिअण  डे हा। सो पंजे डींहुं ठही ठिकी संभरी पहुतो आफिस। पिऑन खां वठी वडे साहिब तांई सभ खां अगिमें  में उन्हनि जय हो जय हो करे पंहिंजी अदाकारीअ सां दुआ सलाम कई। पोइ पंहिंजी सीट ते अची वेठो त पुछुगुछु लाइ दोस्तारनि जी अचुवञु लगी वेई। चइनि डींहनि में जुदा जुदा डाकदरनि जो आजमूदो वठण वारो अट्टू साहिब भला ऐहिड़ो सुहिणो वझु कीअं हथनि मूं निकरण डींदो। सो, हू पंहिंजी बीमारी विसरी वयो।

खंगि-जुकामु मथे जो सूरु ईअं बि    कुदरती तौर चइनि पंजनि  डींहनि  बैद  माण्हूअ  ते  कयासि करे उनजो पीछो छडे डीन्दा आहिनि। ईअं  ई  अट्टू साहिब सां थियो, पर सुठो थिओ। उहे पाण खे हकीम लुकमान जो खास माइट समझण लगा।

माथुर साहिब उन्हनि खां पुछियो - “तव्हां कहिड़ी दवा वरती दादा। जल्दी असरु करे वयव। डिसो न, सुबुहु खां वठी मूंखे बि मथे में सूरु थी रहियो आहे!”

“खंगि बि अथव छा!”  अट्टू साहिब पंहिंजी डाकदरीअ जी दुकान हलाइण शुरु कई।

“हा हा दादा, जुकाम बि आहे।“
“पोइ त बदनु बि सूरु कन्दो हून्दो!”
“हा दादा हा...!”

“त समझी वठो... तव्हांजो रोग मां मिटाए छडियो....। ही वठो ब गोरियूं...।”

“इएं कीअं वठां!”

“अरे दादा...ब चांहियूं घुरायो.... गिलास  कोप-बसीअ में.... हिक तव्हां पीओ...  बी मां पी वठन्दुसि।”
”इन सां मुंहिंजी बीमारी दूर थी वेन्दी!”
”अरे छा गाल्हि था कयो...। चुटकीअ में...।”
”दादा... पोयनि चइनि कलाकनि खां भुगतां वेठो....!”
”फिकरु न कयो! जीअं चवां उअं ई कन्दा वञो।“
"तव्हां चओ था त यकीनु करणो थो पवे वरना त...."
"वरी उहे  ई  निराशावादी गाल्हियूं। दादा...आशावादी बणिजो...  आशावादी।" 
"पर दादा... जडहिं नकु वहन्दो रहन्दो त  आशाऊं किथे रही सघन्दियूं...." “चङो ... त तव्हां खे टेंशन बि डाढ़ी आहे...ही वठो, हिक गोरी बी बि वठो....”
"मरी वयुसि! अरे दादा.... तव्हां खे खपे त चाहिं सां गडु समोसा बि घुराए तो
‍िडयांव। बस बी का दवा न ‍िडयो अट्टू साहिब...."
"ईअं कीअं थी सघन्दो आहे! दवा खाइण खां सिवाइ तव्हां खे आराम कीअं मिलन्दो
दादा..."
"मुंहिंजी हालत ते तरस खाओ दादा..."
"तव्हां दवा खाओ दादा...! मां तरस खावां या सरस... इन्हीअ जो फिकरु न कयो। ऐं हाणे तव्हांजो टाइम पूरो... महरबानी करे  शर्माजी  खे अचण डियो। डाढ़ी देर सां पंहिंजी सीट ते पासा था वेठा मटाइनि। ऐं हां दादा... सुभाणे चैकअप जरूर कराइण अचिजो...।"
शर्माजी  सचपचु अट्टू साहिब सां गडि‍जण लाइ उबारा हुआ। माथुर साहिब जे उथन्दे  ई  उहे अट्टू साहिब जे कैबिन में घिरी विया। पहिरियूं खंखारे, वरी मुश्की करे कुर्सी कुझु पुठिते घिसकाए  डाढे अंदाज सां उन्हीअ ते वेही रहिया। अट्टू साहिब पंहिंजी डाकदरीअ जे नशे में ... मुआफ कन्दा... कुझु वक्तु पहिरियूं वरतलि दवा जी खुमारीअ में हुआ। अधखुल्यल अख्युनि सां उन्हनि  शर्माजी खे डिठो.... कुझु सुजागु थिआ ऐं चयांवूं ,-"त  शर्माजी  तव्हांखे बि कब्जी थी वेई आहे....।"
शर्माजी  हैरानु। इहा राज़ जी गाल्हि अट्टू साहिब खे कीअं खबर पई। खैर... उन्हनि
मन  ई  मन में तइ कयो ऐं वरी खंङारीन्दे गाल्हाइण ते उमादा थिआ, " अट्टू साहिब
गाल्हि दरअसलि इहा...."
अट्टू साहिब उन्हनि जी गाल्हि झले वरती, " छडियो  बि  लजाइणु,  शर्माजी  मूं तव्हांजी
समस्या डहनि मिनटनि में पासीरी करे छडीन्दुसि...."
"सचु दादा..."
"हा दादा हा....।"
"ओ... पोइ त मूं पट्टूअ खां बि शर्त खटी वेन्दुसि...।"
"शर्त ...कहिड़ी  शर्त ... खैर छड्यो... ही वठो.... इन खे गरम पाणीअ सां वठी
वठो...."
"न न... मां इहा कान वठन्दुसि... मां त तव्हां खां ओधरि........"
"कीअं न वठन्दव.... मूंखे सुञाणीन्दा आहियो कीन न....! मां डई करे  ई  साहु
पटीन्दुसि..."
"अट्टू साहिब.... तव्हां छह महीना अगु मूंखां पंज सौ रुपिया वरता हुआ... उहे
मोटाए डियो महरबानी करे...."
"ह...अ... ओ.... छ....छा.... " अट्टू साहिब जी जुबान समझो त अकड़जी वई।

"हा साहिब।"  शर्माजी चयो - "मां त तव्हां खां उहे रुपिया वठण  ई  आयो हुयसि। पट्टूअ  मूसां  शर्त  बधी हुई....  जेकडहिं तव्हां मूंखे रुपिया मोटाए डीन्दा त पट्टू मूंखे सौ रुपिया पंहिंजे पारां वधाए डीन्दो..."

अट्टू  साहिब खे  ऐडी देर बैदि वरी सरदी-जुकाम, खंगि-मथे जे सूरु अची पकड़्यो। उहे पंहिंजे दवाइनि जे जखीरे मूं हिक टेबलेट कढी करे साम्हूं रखण लगा। शर्माजी डांहुं अख्यूं करण खां अगु अट्टू साहिब ब्लड प्रेशर जी टेबलेट गिड़की चुक्या हा।