ग़ज़ल

विकरे लइ सभु गेरत जो सामान हुओ,

मुंहिंजो घरु जणु घरु न हो, दुकान हुओ।

आइने में शिकिल डिसी रोइ वेठुसि,

बाहिर जग में मुंहिंजो केडो मानु हुओ।

हूंअं त डाढो सांति लगो पिए वेचारो,

मगर अंदर में छा त संदसि घमसानु हुओ।

हाइ कूड़ ते, फक़त कूड़ ते ई वाधारो,

पल-पल टुटी पवण जो इमकानु हुओ।

बंद दरियुन ऐं दरवाज़न खां अकसर पुछियुमि,

कंहिंजे बल ते आखिर खड़ो मकान हुओ।

हरको सवलाईअ सां समुझी सघंदो आ,

चश्मदीद छो बदले छडियो बयानु हुओ।

मूं भांयो आ हिते गज़ल बेकार चयुमि,

आखिर मिठिड़ा केडांहुं तुंहिंजो ध्यानु हुओ।

- लक्षमण दुबे

गांधारी गली, क़ाज़ीवाड़ा,
ज़ूनागढ़-362001
फोन - 09323735932