प्रोफेसर लछमण हर्दवाणीअ जा ब नवां सिन्धी किताब
किताब जो नालो - परिभाषा शब्दकोश (इंग्लिश-सिन्धी ऐं सिन्धी-इंग्लिश)
संपादन - प्रोफेसर लछमण परसराम हर्दवाणी
संपर्क -(1) 'कविता' प्रोफेसर कालोनी, सावेड़ी, अहमदनगर-414003
(2) बी-704, विक्टोरिया गार्डन, आगाखान पैलेस जे वेझो, नगर रोड, कल्याणी नगर, पुणे-411016
फोन - 098906 93931
email : lphardwani@yahoo.com
प्रोफेसर लछमण परसराम हर्दवाणी सिन्धी साहित्य जगत जो हिकु चिमकंदड़ु सितारो आहे। हेल ताईं संदनि 64 किताब सिन्धी, हिन्दी, मराठी ऐं इंग्लिश में प्रकाशित थी चुका आहिनि जंहिं में 7 शब्दकोश शमिल आहिनि।
प्रोफेसर हर्दवाणी सिन्धीअ जी मूल लिपी देवनागरीअ जा हिमायती आहिनि। देवनागरी लिपी ई भारत में सिन्धी भाषा खे जिंदह रखी सघंदी।
प्रोफेसर हर्दवाणीअ जो देवनागरी लिपीअ में हीउ शब्दकोशु 'परिभाषा शब्दकोश' (इंग्लिश-सिन्धी ऐं सिन्धी-इंग्लिश) नईं सिन्धी टहीअ लाइ हिकु वडो खज़ानो आहे। अरबी लिपीअ में लिखंदड़ सिन्धी साहित्यकार जेकी अरबी फारसी भाषा जा शब्द वापराईनि था, से नवजावन पीढ़ीअ जी समुझ खां बाहिर आहिनि। असीं सिन्धी देश जे विरहाङे खां पोइ पंहिंजे हिंदू धर्म जी रख्या जाइ सिन्ध मां लडे हिति आयासीं। असां जी सिन्धी भाषा जूं पाड़ूं संस्कृत भाषा में आहिनि त असीं छो अरबी फारसीअ जे शब्दनि सां चुंबिड़ियल आहियूं।
प्रोफेसर हर्दवाणीअ जे हिन शब्दकोश में इंग्लिश जे घणेई पारिभाषिक शब्दनि जा माना मूल सिन्धी भाषा में डिनल आहिनि। इन सां गडु प्रोफेसर हर्दवाणीअ इंग्लिश जे पारिभाषिक शब्दनि लाइ भारत जी भाषाउनि लाइ संस्कृत भाषा मां त्यारु कयल पारिभाषिक शब्द बि खंया आहिनि।
------------------------------
न्यू सिन्धी लाफिंग क्लब
प्रोफेसर लछमण परसराम हर्दवाणी पारां सिन्धी भाषा जी मूल लिपी देवनागरीअ में जोकनि, चर्चनि ऐं हास्य रस वारियुनि तंजी रचनाउनि जे पहिरियें ऐं वडे संग्रह जो हीउ टियों छापो आहे। प्रोफेसर हर्दवाणीअ जे हिन किताब जो टियों छापो महाराष्ट्र में रहंदड़ हिक 77 सालनि जे बुज़ुर्ग पंहिंजी मेड़ी चूंडीअ मां सिन्धी भाषा ऐं साहित्य जी शेवा करण जे नेक इरादे सां छपरायो आहे।
No comments:
Post a Comment