ज़ाल- बाज़ारि था वञो छा ? त पोइ कपिड़नि ते निरमा पाउडर लगा॒ए वञो ।
मुड़सु- इहो छा पई चवीं ?
ज़ाल - जा॒णु बरसात आई । ईंदे वेंदे कपिडा़ पंहिंजो पाणधोपिजी वेंदव।
मुड़सु- (ज़ाल खे) प्यारी मुंहिंजे मरण खां पोइ तूं छा शादी कंदीअं ?
ज़ाल- न मां पंहिंजीअ भेण सां गडु॒ वञी रहंदियसि .... हाणे तव्हां बु॒धायो ,मुंहिंजे मरण खां पोइ तव्हां त शादी कोन कंदा न ?
मुड़सु - बिल्कुल न, मां बि तुंहिंजीअ भेणु सां गडु॒ रहंदुसि ।
पत्नी - (पतीअ खे) प्यारा, शादीअ खां पहिरीं चवंदो हुएं त तूं सुर्ग॒ में रहण बदिरां मूं सां गडु॒ नरक में रहणु पसंद कंदें ।
पती - बदिकिस्मत सां मुंहिंजी इछा पूरी थी वेई ।
प्रेमी प्रेमिका हिक वण जी छांव में वेठा हुआ । प्रेमिका प्रेमीअ जी गोद में मथो रखी लेटी पेई हुई । चयाईं , " प्यारा, मां चाहियां थी त मुंहिंजो साहु तुंहिंजे गोद में निकिरे।"
प्रेमीअ घबि॒राए चयो, "मगर...मगर मां पुलिस खे छा जवाबु डीं॒दुसि ?
------------------------------प्रो लछमण परसराम हर्दवाणी
(लेखक जे किताब 'न्यू सिन्धी लॉफिंग क्लब' तां)
No comments:
Post a Comment