Sunday, February 28, 2010
Friday, February 26, 2010
Saturday, February 13, 2010
सजी॒ गू॒ण खे आहे सुरिणो लग॒लु
किथे माण्हू अहिड़ा डि॒ठे मनु ठरे ,
हिते चाल शतरंज जी हरको हले।
अचनि बाग में था गुलनि खे डि॒सण,
वञनि था छब॒रि जे सलनि खे चिथे।
सजी॒ गू॒ण खे आहे सुरिणो लग॒लु ,
थो मुश्किल सां साबितु दाणे मिले।
हले हलकिड़नि रोलू कारनि जी थी,
वञनि ताबु सिज जो ककर था खसे,
डि॒यो प्यारु हेडो॒ था कंहिं काणि अजु॒,
अव्हां ई कढियो हो असां खे तड़े ।
सफर में के आया हा अहिड़ा पड़ाव ,
कंदे गा॒ल्हि जिनि जी धरनि थी ड॒के।
अची उन जग॒हि ते रसियो काफिलो,
नसीहत का हरको वञे थो थपे ।
जग॒तु खाणि ज॒णु कोयलनि जी लगी॒,
बची कोन कारहि खां कोई सघे ।
-------------खीमन यू मूलाणी
मोबाईल- 09425051715
हिते चाल शतरंज जी हरको हले।
अचनि बाग में था गुलनि खे डि॒सण,
वञनि था छब॒रि जे सलनि खे चिथे।
सजी॒ गू॒ण खे आहे सुरिणो लग॒लु ,
थो मुश्किल सां साबितु दाणे मिले।
हले हलकिड़नि रोलू कारनि जी थी,
वञनि ताबु सिज जो ककर था खसे,
डि॒यो प्यारु हेडो॒ था कंहिं काणि अजु॒,
अव्हां ई कढियो हो असां खे तड़े ।
सफर में के आया हा अहिड़ा पड़ाव ,
कंदे गा॒ल्हि जिनि जी धरनि थी ड॒के।
अची उन जग॒हि ते रसियो काफिलो,
नसीहत का हरको वञे थो थपे ।
जग॒तु खाणि ज॒णु कोयलनि जी लगी॒,
बची कोन कारहि खां कोई सघे ।
-------------खीमन यू मूलाणी
मोबाईल- 09425051715
यार रुगो॒ प्यो पाणु पडा॒ईं
यार रुगो॒ प्यो पाणु पडा॒ईं ,
जो तूं नाहीं, सो थो चवाईं।
किनि खे गा॒ल्हियुनि में उलझाए,
हिसो बि॒न्ही जो तूं गि॒रकाईं।
चई, 'घणी आ मुंहिंजी हलंदी',
केडो॒ झुमरूअ खे झूलाईं ।
जिति ज़ालुनि जो मेड़ु डि॒सीं तूं,
पाईं लियाका उते सदाईं ।
पाण पाप जी राह हलीं, पर
पोथियूं जग॒ खे पियो पढ़ाईं ।
खूबु कुधा कम लिकी कयइ पे,
हाणे जग॒ खां पाणु लिकाईं ।
मार मथिएं जी घणी पई थी,
अञा बि पियो सीना सीटाईं ।
----------भग॒वान बा॒बा॒णी
ग़ज़ल
काबिल खां थो करे किनारो,
नाकाबिल खे हुशी डि॒ए थो।
पाण पडा॒इण खातिर डि॒सु हू,
कहिड़ा कहिड़ा सांग रचे थो।
ब॒टाक हू अहिड़ी त हणे थो,
सिजु हुन सां ज॒णु चढ़े लहे थो।
मतलबु फासे अगर संदसि को,
पोइ त गड॒ह खे पीउ चवे थो।
जंहिं खे चाहे शाइरु ठाहे ,
रुठो जड॒हिं पो तडो॒ खणे थो।
अंदिरां आहे बिल्कुल खाली ,
ढोल जियां पर तेज़ वजे॒ थो।
----------------भग॒वान बा॒बा॒णी
काती हथ में खणिबी हाणे
हूअ न किथे आ ग॒णिबी हाणे,
जोभन व्यो थसि छणिजी हाणे।
केडा॒ बि तूं जतन करे डि॒सु
शिकिल न थींदइ सणिभी हाणे।
गुडि॒युनि सां गडु॒ खेडीं॒दड़ हूअ
हितां हली वई पर्णिजी हाणे।
गो॒ठु डि॒ठो जो नंढिड़े हूंदे
शहरु वयो आ बणिजी हाणे।
कुर्सीअ जो आ झगि॒ड़ो विच में
कीन बि॒न्ही में बणिबी हाणे।
खूब मज़ो मरदूदन माण्यो
डो॒रि संदनि पर छिकिबी हाणे।
चूंडिजी आयो पंहिंजो माण्हू ,
वेंदो सभु कुझु धिकिजी हाणे।
प्यार, प्रेम सां जे न मञियाऊं
काती हथ में खणिबी हाणे।
--------------भग॒वान बा॒बा॒णी
बी-१४, लेक सिटी, संत हिरदाराम नगर,
भोपाल-४६२०३०, मोबाइल- 09893397340
bhagwanbabani@gmail.comWednesday, February 10, 2010
मुंहिंजो सुर तुंहिंजे सां प्यारा मिले जड॒हिं
1989 में दूरदर्शन पारां त्यार कयलु हिक-सिटो गीतु 'मिले सुर मेरा तुम्हारा' ज़ारी कयो व्यो हो । हिन गीत में इहा सिट उन वक्त भारत जे संविधान में शामिल सभिनी भाषाउनि में आहे। सिन्धी भाषा में इहा सिट उन वक्त जे मशहूर क्रिकेटर नरेंद्र हीरवाणीअ ते फिल्मायल आहे।
वीहनि वर्हियनि खां पोइ सागि॒यो गीतु 'ज़ूम' टी वी चैनल नएं अंदाज़ में पेश कयो आहे। हींअर इहो गीतु भारत जी कुझु भाषाउनि में ई त्यारु कयो व्यो आहे। नएं गीत में सिन्धीअ सूधो बि॒यूं कुझु भाषाऊँ शामिल कोन्हनि ।
पंहिंजी मातृभाषा सिन्धीअ खे चाहींदड़ कंहिं बि सिन्धीअ खे इहो नओं गीतु कोन वणियो हूंदो । इन जो सबूतु आहे - सिन्धियुनि जा एसएमएस, इमेल ऐं अखबारुनि जा संपादकीय। नएं गीत में सिन्धी बो॒लीअ जी सिट न हुअण सां जागरूक सिन्धियुनि में गुसो पैदा थियणु वाजिबु आहे। एसएमएस, इमेल ऐं अखबारुनि में संपादकीय ज़रीए गुसो ज़ाहिरु करे 'ज़ूम' चैनल जे खिलाफ आंदोलन हलाइण, चैनल जे बहिष्कार करण जूं गा॒ल्हियूं थियनि पेयूं?
मूं वटि हिक अहिड़े सिन्धीअ जो मैसेजु बि पहुतो आहे जंहिं जे बारे में मूंखे पक आहे त हू पंहिंजे घर में पंहिंजे बा॒रनि सां सिन्धीअ में न गा॒ल्हाइंदो आहे।हीउ यारु बि इन अन्याउ मां दुखी आहे।पर ही पंहिंजे बा॒रनि सां जेकी अन्याउ करे प्यो, उन जो संदसि खे अहसासु कोन्हे। हिन सज॒ण जे मैसेज सां मन में वीचारु आयो त जेकड॒हिं हिन गीत में सिन्धी भाषा में बि सिट हुजे हा त छा इहा सिट बु॒धी हू पंहिंजे बा॒रनि सां सिन्धी में गा॒ल्हाइणु शुरू करे हा ? छा मां हिन यार जो बहिष्कारु कयां?
अजु॒ सिन्धी बो॒लीअ जा शैदाई पहिंजे पाड़े में, पंहिंजी कालोनियुनि में सिन्धी बु॒धण लाइ सिकी प्या आहिनि। छा उहे टी वी ते कंहिं गीत जी हिक सिट सिन्धीअ में बु॒धी खुशी महसूस करणु चाहीनि था? छा कंहिं टी वी चैनल ते कुझु सेकंडनि ताईं ईंदड़ 8-10 सिन्धी शब्द असां जी भाषा खे ज़िंदह रखंदा? जेकड॒हिं इएं हुजे हा त नरेन्द्र हीरवाणीअ खे सिन्धीअ में गा॒ईंदो डि॒सी हर सिन्धी घर में सिन्धी बो॒लीअ जो वाहिपो हुजे हा। पर भारत में सिन्धियुनि जे घरनि मां सिन्धी बो॒ली इएं गुम थी वई आहे जिअं भारत मां सरस्वती नदी।
'ज़ूम' टी वी चैनल हिकु प्राइवेट टी वी चैनल आहे। उहो कोई बि प्रोग्रामु कंहिं बि भाषा में ठाहे/डे॒खारे सघे थो। असां जो हुन ते को ज़ोरु न हलंदो ।
को बि टी वी चैनल, को बि गैर सिन्धी असां जी मातृभाषा सिन्धीअ खे खतम नथो करे सघे । इहो कमु सिर्फ असां सिन्धी करे सघूं था। सिर्फ सिन्धी ई पंहिंजी मातृभाषा खे खतमु करे सघनि था ऐं इहो कमु हू खुशीअ सां कनि प्या ।
छा हाणे सिन्धी भाषा खे ज़िंदह रखण जी जिमेवारी हिक प्राइवेट टी वी चैनल ते आहे? जिनि माण्हुनि जी मातृभाषा सिन्धी हूंदे बि सिन्धी गा॒ल्हाइणु छडे॒ डि॒नी अथनि, तिनि जे खिलाफु आंदोलन हलाइण जी गा॒ल्हि कड॒हिं थी आहे? असां पाण खे केसीताईं दोखे में रखंदासीं?
असां जी भाषा खे केरु ज़िंदह रखंदो? को टी वी चैनल या असीं पाण? असां कंहिंजे खिलाफ आंदोलन कयूं?
असां खे जरूरत आहे पंहिंजे खिलाफ आंदोलन करण जी।
---------------------गोपाल हासाणी
Saturday, February 6, 2010
रेल जी पटिडी़ मेरी
रेल जी पटिडी़ मेरी
रेल जी पटिडी़ मेरी , नाम्यारे शाइर वासदेव मोह़ी जो नओं ग़ज़ल संग्रह आहे । हिन संग्रह में ५४ ग़ज़ल , २ नज्मूं ऐं १२ आज़ाद कविताऊं आहिनि। अरबी ऐं देवनागरी बि॒न्ही लिपियुनि में डि॒नल रचनाऊं हिन संग्रह जी खासियत आहे । लेखक जो एड्रेस आहे -
वासदेव मोह़ी
A-355, Nayannagar, bogha, ahmadabad -382345
079-22818416/9427049946
vasdevmohi@hotmail.com
रेल जी पटिडी़ मेरी , नाम्यारे शाइर वासदेव मोह़ी जो नओं ग़ज़ल संग्रह आहे । हिन संग्रह में ५४ ग़ज़ल , २ नज्मूं ऐं १२ आज़ाद कविताऊं आहिनि। अरबी ऐं देवनागरी बि॒न्ही लिपियुनि में डि॒नल रचनाऊं हिन संग्रह जी खासियत आहे । लेखक जो एड्रेस आहे -
वासदेव मोह़ी
A-355, Nayannagar, bogha, ahmadabad -382345
079-22818416/9427049946
vasdevmohi@hotmail.com
Thursday, February 4, 2010
उभ में वणु पोखे डि॒सु
मुर्कनि खे तोरे डि॒सु ,
ऊंदहि खे रोले डि॒सु ।
तो में केडी॒ सावक ,
उभ में वणु पोखे डि॒सु ।
शइरु इएं त न जुड़न्दो ,
समुंड खे विलोड़े डि॒सु ।
हद डी॒ए जी कान्हे ,
लाट लाट जोड़े डि॒सु ।
सोनु लिकाए छडि॒, सिज
माण्हु थो डोड़े डि॒सु ।
पोढ़ी अखि चए पुट खे ,
हीरा तूं गो॒ल्हे डि॒सु ।
समुंडु अकेलो थींदो ,
लहिरुनि खे मोड़े डि॒सु ।
---वासदेव मोही, अहमदाबाद
vasdevmohi@hotmail.com
(लेखक जे किताब 'रेल जी पटिड़ी मेरी' तां )
ऊंदहि खे रोले डि॒सु ।
तो में केडी॒ सावक ,
उभ में वणु पोखे डि॒सु ।
शइरु इएं त न जुड़न्दो ,
समुंड खे विलोड़े डि॒सु ।
हद डी॒ए जी कान्हे ,
लाट लाट जोड़े डि॒सु ।
सोनु लिकाए छडि॒, सिज
माण्हु थो डोड़े डि॒सु ।
पोढ़ी अखि चए पुट खे ,
हीरा तूं गो॒ल्हे डि॒सु ।
समुंडु अकेलो थींदो ,
लहिरुनि खे मोड़े डि॒सु ।
---वासदेव मोही, अहमदाबाद
vasdevmohi@hotmail.com
(लेखक जे किताब 'रेल जी पटिड़ी मेरी' तां )
Wednesday, February 3, 2010
Tuesday, February 2, 2010
ग़ज़ल
तुन्हिंज्यूं अखियूं डि॒सां प्यो ,
वेद पुराण पढ़ां प्यो ।
डोड़ में अकेलो मां ,
बस पाण सां पुजां॒ प्यो
अजु॒ वरी बोडि॒ आई,
हितां बि लडो॒ खणां प्यो ।
जंहिं में आचर कीन आ ,
सो कैलेंडर बणां प्यो
युग थ्या, पर धरतीअ खे
धारयो अजु॒ लगां॒ प्यो ।
इएं त भंभट आहियां, पर
घर लइ डी॒ओ, ब॒रां प्यो ।
तूं सिजु नाहीं तड॒हिं त ,
मां रोशनी लगां॒ प्यो ।
भग॒वान ज्यां सस्तो ,
हर हंधि नज़र अचां प्यो।
----वासदेव मोह़ी , अहमदाबाद
vasdevmohi@hotmail.com
(लेखक जे ग़ज़ल - संग्रह ' रेल जी पटिड़ी मेरी ' तां खंयल)
वेद पुराण पढ़ां प्यो ।
डोड़ में अकेलो मां ,
बस पाण सां पुजां॒ प्यो
अजु॒ वरी बोडि॒ आई,
हितां बि लडो॒ खणां प्यो ।
जंहिं में आचर कीन आ ,
सो कैलेंडर बणां प्यो
युग थ्या, पर धरतीअ खे
धारयो अजु॒ लगां॒ प्यो ।
इएं त भंभट आहियां, पर
घर लइ डी॒ओ, ब॒रां प्यो ।
तूं सिजु नाहीं तड॒हिं त ,
मां रोशनी लगां॒ प्यो ।
भग॒वान ज्यां सस्तो ,
हर हंधि नज़र अचां प्यो।
----वासदेव मोह़ी , अहमदाबाद
vasdevmohi@hotmail.com
(लेखक जे ग़ज़ल - संग्रह ' रेल जी पटिड़ी मेरी ' तां खंयल)
Monday, February 1, 2010
कंप्यूटर ते सिन्धी
कंप्यूटर ते सिन्धी - अरबी सिन्धीअ में भग॒वान बा॒बा॒णीअ जो लेखु
http://docs।google।com/Doc?docid=0AU4DWr_wjawiZGM2cTMyOXdfNmNjejRjNGNt&hl=en
Subscribe to:
Posts (Atom)