काती हथ में खणिबी हाणे

हूअ न किथे आ ग॒णिबी हाणे,

जोभन व्यो थसि छणिजी हाणे।

केडा॒ बि तूं जतन करे डि॒सु

शिकिल न थींदइ सणिभी हाणे।

गुडि॒युनि सां गडु॒ खेडीं॒दड़ हूअ

हितां हली वई पर्णिजी हाणे।

गो॒ठु डि॒ठो जो नंढिड़े हूंदे

शहरु वयो आ बणिजी हाणे।

कुर्सीअ जो आ झगि॒ड़ो विच में

कीन बि॒न्‍‍ही में बणिबी हाणे।

खूब मज़ो मरदूदन माण्यो

डो॒रि संदनि पर छिकिबी हाणे।

चूंडिजी आयो पंहिंजो माण्हू ,

वेंदो सभु कुझु धिकिजी हाणे।

प्यार, प्रेम सां जे न मञियाऊं

काती हथ में खणिबी हाणे।

--------------भग॒वान बा॒बा॒णी

बी-१४, लेक सिटी, संत हिरदाराम नगर,

भोपाल-४६२०३०, मोबाइल- 09893397340

bhagwanbabani@gmail.com