किथे माण्हू अहिड़ा डि॒ठे मनु ठरे ,
हिते चाल शतरंज जी हरको हले।
अचनि बाग में था गुलनि खे डि॒सण,
वञनि था छब॒रि जे सलनि खे चिथे।
सजी॒ गू॒ण खे आहे सुरिणो लग॒लु ,
थो मुश्किल सां साबितु दाणे मिले।
हले हलकिड़नि रोलू कारनि जी थी,
वञनि ताबु सिज जो ककर था खसे,
डि॒यो प्यारु हेडो॒ था कंहिं काणि अजु॒,
अव्हां ई कढियो हो असां खे तड़े ।
सफर में के आया हा अहिड़ा पड़ाव ,
कंदे गा॒ल्हि जिनि जी धरनि थी ड॒के।
अची उन जग॒हि ते रसियो काफिलो,
नसीहत का हरको वञे थो थपे ।
जग॒तु खाणि ज॒णु कोयलनि जी लगी॒,
बची कोन कारहि खां कोई सघे ।
-------------खीमन यू मूलाणी
मोबाईल- 09425051715
No comments:
Post a Comment