‘डोही केरु’ नाटक ज़रीए सिंधी क़ौम जे हिक अहम मसइले ते विचारु
13 फरवरी ते भोपाल जे रविंद्र भवन में अखंड सिंधू संसार विचार मंच जे 10हें ड्रामा ऐं सम्मान समारोह तहत श्रीअशोक मनवाणीअ जे लिखियल ‘रक्त दोषु’ ते आधारित नाटकु ‘डोही केरु’ श्रीमती कविता ईसराणीअ जीहिदायतकारीअ में पेश कयो वियो। हिन नाटक में ख़ास त़ौर सिंधियुन में ‘थैलीसीमिया’ बीमारीअ जे फहिलजणवारन सबबन, बीमारीअ मां थींदड़ नुक्सानन ऐं उनखां बचाउ करण लाइ करे सघिजंदड़ उपाअन बाबत रोशिनीविधी वेई आहे।
नाटक में बलू चोइथाणी, सुरेश पारवाणी, कविता ईसराणी, भारती ठकुर, विकास दादलाणी,
अशोक मनवाणी, राकेश शेवाणी, विनायक, गोबिंद जेठाणी, शेवक आहूजा, मास्टर नमन संताणी
ऐं बियन पंहिंजी अदाकारीअ जो जोहरु डेखारियो। बलू चोइथाणी जे गीतन खे आवाजु़ नरेश गिदवाणीअ
ऐं संगीतु दिलीप वासवाणीअ ‍डिनो। लाईट बंदोबस्तु मुकेश जग्यासीअ जो हो। हिन नाटक ज़रीए सिंधी
रंगमंच खे गम्भीर विषयन डांहुं बि रुख़ु करण जो हौसलो मिलियो आहे।
इन मौक़े ते डॉ. करतारसिंह कंजवाणीअ खे श्री किशन बजाज सिंधी पत्रकारिता सम्मानु, ब्यावर मां शाया थींदड़सिंधी रिसालो ‘सिन्धू-दीप’ खे ‘प्रो. एस.एन. मनवाणी पुरस्कारु’ ऐं ‘श्री छाङोमल लालवाणी वरिष्ठ रंगकर्मी सम्मानु’ अटिकल 250 नाटक में पंहिंजी कला जो जोहर डेखारण वारे भोपाल में हिन वक्त़ मौजूद नईं पीढ़ीअ जे सभ खांझूने सिंधी कलाकार श्री परसे नाथाणीअ खे अ़त़ा कयो वियो।
--भग॒वान बा॒बा॒णी
bhagwanbabani@gmail.com ‍