गुमान

कविता

गुमान

हिक डींहं,

हिक वडे वण ते,

उनजी पाड़ ते ,

हिक नंढी बूटी निकती,

वण पंहिंजी बची समझी ,

उन खे सहारो डिनो ,

उस में,

थधि में ,

मींहं में ,

आंधी तूफ़ान में ,

हूअ उनजे तन सां लिपटण लगी ,

वधंदी वई,

एतरो वधी वई ,

जो सजे वण ,

जो कदु पाए वई ,

हाणे गुमान थियुस‍ि ,

त मां केतरो वेठी वधां?

ऐं बुढो वण ,

ओतरो ई ओतरो ?

उन रात ई एतरो तूफ़ान आयो !

जो आसे पासे जा सभु बूटा ,

नासु थी व्या,

रुगो हू वणु बच्यो ,

लता मरंदे मरंदे चयो !

अबा मूंखे माफ़ कजां

जंहिं सहारो डिनो,

काश उन ते न खिलां हां?

-- डा. ध्रुव गुरबानी तनवानी , रांची
<tanvanid@yahoo.co.in>