ग़ज़ल

खीमन यू मूलाणी

पल पल सूर पुराणा आहिनि,

टिमि टिमि टिमि टांडाणा आहिनि.

आस उमेद अञा रोशन आ,

छा थ्यो टहिक उझाणा आहिनि.

रस्तनि पेरनि साणु निभायो ,

चौंकनि वटि पर माणा आहिनि.

मुंहिंजा गीत ग़ज़ल ऐं वायूं,

खु़दि सां जणु ओराणा आहिनि.

रुगो॒ सुञाणनि था अंगनि खे,

जिनि वटि टूल विहाणा आहिनि

सभई शहर स्याणा आहिनि,

दर्दनि जा आडाणा आहिनि.

तेसीं रहंदी सिन्धियत जेसीं,

झूलणु ऐं बहिराणा आहिनि.

सिन्धी चमकनि था मोतियुनि जां,

तोड़े दाणा दाणा आहिनि.

हर माण्हूअ वटि हूंदा डाढा,

यादुनि जा सांधाणा आहिनि.

नेठि त मंज़िल ते रसंदासीं,

बोल न हीउ बा॒राणा आहिनि.

हाणोका जे पल ऊंदाहा,

रोशन संदमि सुभाणा आहिनि.