सिन्धियुन जे हकन‍ि वास्ते

सिन्धियुन‍ि जे हकन‍ि जी लड़ाई केरु संभारे !

सिन्धियुन‍ि में बि पैदा थिए को अण्णा हजा़रे.

हरको नेता पंहिंजी पंहिंजी रधे थो खिच‍िणी,

कुझु न थियणो, बिना एकता, सचु आ चव‍िणी.

अचे एकता सिन्धियुन‍ि में हरको थो पुकारे,

सिन्धियुन‍ि में बि पैदा थिए को अण्णा हजा़रे.

हिकिड़ो नेता बिए नेता जी टंग छिके थो,

हिकिड़ो चाहे भलो करणु , बियो दबे छडे॒ थो,

सिन्धियुन‍ि जी अजु॒ नाव हले थी बिना सहारे,

सिन्धियुन‍ि में बि पैदा थिए को अण्णा हजा़रे .

सिन्धियुन‍ि जा कुलु सत्रहां विश्व समेलन थी व्या,

सभु नेताऊँ अची मंच ते भाषण डई व्या ,

मगर अञा पई सिन्धी बोली रोई पुकारे ,

सिन्धियुन‍ि में बि पैदा थिए को अण्णा हजा़रे.

सरकार सां आखिर हीअ लड़ाई केरु लड़े!

कोई त लीडर मरण ताईं उपवासु करे,

हली पुकारियूं दूलह दरि या सिन्धु किनारे,

सिन्धियुन‍ि में बि पैदा थिए को अण्णा हजा़रे.

जंहिं बि लीडर में दमु हुजे आवाज़ उथारे,

रखी जानि हथेली ते पंहिंजो दमु डेखारे,

को त 'खेमाणी' बेड़ो हकन‍ि जो पार उतारे,

सिन्धियुन‍ि में बि पैदा थिए को अण्णा हजा़रे.

भोजराज एन खेमाणी

B-3/11, RAVIUDAY SOCIETY,

DATTA MANDIR ROAD, CHENDANI,

THANE (W) - 400601 (MS)

Tel: 022-25368658, Mob: 09821607039

-----

( दादा भोजराज एन खेमाणी 'सिन्धी कवी सभा थाणे' जा संस्थापक ऐं संचालक आहिनि. 'सिन्धी कवी सभा थाणे' जो मक़सद आहे - सिन्धी बोलीअ जो वाधारो.)