सचल सरमस्त (1739-1826) जी कविता

सचल सरमस्त (1739-1826) जी कविता

असीं पाण खूं वयासीं, कंहिं जाइ बी॒अ पयासीं।
पाण खूं पाण निकिरी करे,कंहिं राह में रुलियासीं।
सन्हा थुल्हा सफरा, सभु छोलीअ हिक छिनासीं।
इहे होका हक़ीक़त जा, असां डे॒ह मंझि डि॒ठासीं
जेकी हो सो थियो, असीं सागी॒ से थियासीं।
वेंदे उनहीअ वाट ते, असीं झंगनि कीन झलियासीं।
तोड़े पलियो पाड़ेचुनि, ता बि रती कीन रहियासीं।
मोटी मोटण जे साये, असां वडा॒ वस कयासीं।
हाज़िरु आहियूं सभु हाज में,असीं गोलनि सां गडि॒यासीं
मौज उड़ही महिराण में, तंहिं मूं पारि लंघियासीं।
सचलु नाउं सडा॒ए, असीं लोकनि मंझि लिकियासीं।

देवनागरीकरण- प्रोफेसर लछमण हर्दवाणी
email : lphardwani@yahoo.com

कुत्तन जो खाधो

कहाणी
कुत्तन जो खाधो

लेखक : दर्शन मितावा
सिन्धी अनुवाद : देवी नागराणी

इन्कम टैक्स जा अधिकारी पंहिंजन टिन-चइन माण्हुन सां गडु॒ पं‍हिंजे दुकान तरफ़ ईन्दो डि॒सी, दुकानदार पंहिंजो चिश्मो ठीक कयो ऐं तकड़ो-तकड़ो गद्दीअ ताँ लही बीठो. हथ ब॒धी उन्हन जी आजियाँ कई ऐं तिन खे विहारण लेइ कुर्सियूँ पंहिंजी धोतीअ जे किनारे सा साफ़ करण लगो॒. जेसीं हू सब कुर्सियुन ते वेठा, तेसीं खाइण लाइ काजू ऐं पीअण लाइ फलन जी जूस अची वई। खाइण-पीअण खाँ पोइ अधिकारीअ पंहिंजे मुछ ते हथु फ़ेराईंदे दुकानदार खाँ हिसाब-किताब जी कापी वरती ऐं रवायती नमूने उन्हीअ जी उथल-पुथल कंदो रहियो । हिक पन्ने ते हुन जी नज़र अटकी पई. हू हैरान बि थ्यो ऐं मुरक्यो ‍िब. हुन उहो पन्नो पंहिंजे सहकारयुन खे डे॒खार्यो । से ‍िब मुस्कराइण खाँ सवाइ न रही सघ्या, "कहिड़ा-कहिड़ा माण्हूँ आहिन जे टैक्स बचाइण लाइ कुते खे डि॒नल रोटीअ जो खर्च ‍िब किताबन में विझी था छडि॒न?" खुल्यल पन्ने ते खर्च वारी लाइन हिन तरह लिख्यल हुई ,"तारीख 17-2-89 कुत्ते जो खाधो पंजाहु रुपया।"ख़र्च जी लाइन पढ़ी दुकानदार ‍िब हीं-हीं कंदो हुनन सा गडु॒ खिलण लगो । थोरी देर खां पोइ हू सब हली व्या। दुकानदार पंहिंजे हिसाब-किताब वारी कापी खोली। काजूअ खाँ वठी जूस जो सभु ख़र्चु जोड़े ऐं क़िताब में हिक नईं लाइन लिखी- तारीख़ 29-8-89 कुत्तन जो खाधो-डे॒ढ सौ रुपया।

Devi nangrani <dnangrani@gmail.com>

गडि॒यल कुटुम्ब जो अहिमियतु

गडि॒यल कुटुम्ब जो अहिमियतु
कुटुम्बु ई बा॒र खे सुधारण जो पहिर्यों डा॒को आहे। जहिड़ो कुटुम्बु हूंदो, तहिड़ा ई बा॒र थींदा। जहिड़ा कांग, तहिड़ा ब॒चा गडि॒यल परिवार में बा॒र, बु॒ढा, बीमार, अपंग ऐं कंहिं मुसीबत जे मारियल भातियुन जी पाण मुरादो सहायता थी वेंदी आहे।
गडि॒यल परिवारन में कुदरती रूप में प्यारु, दया, सहानुभूती, हमदर्दी, इंतज़ार, आदरभाउ, धरम, आज्ञा ऐं फर्ज़ु पालण ऐं ओड़े पाड़े जी शनास वगेरह ऐं जीवन में लाइकु थियण लाइ घुरबल गुण ऐं सुठा संस्कार मिलंदा आहिन। खानदानी धंधे, हुनर ऐं कला वगेरह जी पाण मुरादो ट्रेनिंग मिली वेंदी आहे। चवणी आहे त 'ब॒ त बा॒रहां' वांगुर हिक बि॒ए जी मदद मिलंदी आहे। शादी ग़मी, खर्च पखे ऐं बेरोज़गारीअ जो बारु हल्को थी वेंदो आहे। गडि॒यल परीवार जा भाती हिक बि॒ए जूं घुरजूं पूरियूं करे संसार रूपी सागर जी लहरुन ऐं लोड॒न खां पाणु बचाए हर किस्म जी चिन्ताउन खां दूर थी खुश रही सघन था। घर गिरहस्तीअ जो गाडो॒ बिनां धकन धोड॒न जे पाण मुरादो हिक बि॒ए जे सहारे सां हलंदो आहे।
गडि॒यल कुटुम्ब में घटि-वधि, रुसणु-परचणु ऐं थोरी घणी खिट पिट पई हलंदी आहे। पर वडि॒ड़ा सिख्या डे॒ई समुझाए खीर में खंडु वांगुर मिलाए छडीं॒दा आहिन। गडि॒यल कुटुम्ब में वड॒न जी मञिता थींदी आहे।
विदेशन जे अंधे फैशन ऐं नकल करे, असीं बि परीवारन जे टुटण करे या नंढे रूप हुअण करे मुसीबतुन, खराबियुन ऐं खतरे जे घेरे में प्या भिटिक्यूं। पंहिंजे परीवार वारन जे प्यार ऐं आदरभाउ जा सिकायल बुज़ुर्ग बु॒ढा आश्रम में शरन वठी प्या बाडा॒इन ऐं रोई प्या गो॒ढ़ा गा॒री‍नि ऐं गडि॒यल कुटुम्बन जा भाती घणो करे कंहिं बि थोरी घणी मुश्कलात या दुख वक्त हिक बि॒ए खे संभाले सघन था। घर जे वायूमुडल में इंतज़ाम में रहन था।
महिमानन जो आदरभाउ कीअं कजे, इहो सिखन था। डि॒ण वारन जो गडि॒यलु आनंद वठन था। हर कंहिं मोके ते खुश बि रहन था त वरी गमीअ में हिक बि॒ए जे दुख में शामिल थी मनु हल्को करे सघन था। 'चुल्ह ते सो दिल ते' वांगुर हिक बि॒ए में सिक ऐं प्यार में खाइन बि गडु॒ था। घणो करे उन्हन जा बुज़ुर्ग बु॒ढा आश्रम में शरन कोन था वठन। गडि॒यल परीवारन में फाइदा घणा ऐं मुश्कलातूं घटि आहिन। गडि॒यल परीवार में भाउर भेनरूं, भाजा॒यूं भाइटिया-भाइटियूं, चाचा-चाचियूं डा॒डो॒-डा॒डी॒, माउ-पीउ वगेरह डि॒सी दिल खे आनंदु मिलंदो आहे।
नुंहं जड॒हिं साहुरन में कदमु रखे थी त पतीअ सदिके हुन जा केतिरा नवां रिश्ता ठहन था ऐं नुंहं लाइ रिश्तन खे निभाइणु जरूरी आहे। जंहिं कुटुम्ब में प्यार जो अहसासु , हिक बि॒ए में विश्वासु ऐं गडु॒ रहण जी तमना आहे, उहो कुटुम्बु सदाईं खुश रहंदो आहे। ससु ऐं नुंहं ममता सां भरियल नारियूं आहिन। ग़लती थिए त हरको महसूस करे ऐं हिक बि॒ए जो ख्यालु करे।
'नुंहं त आहे घर जी सूंहं' नुंहं जो फर्ज़ु आहे त वड॒न खे इज़त ऐं नंढन खे प्यारु डे॒ मोट में नुंहं खे बि प्यारु कुर्ब ऐं पंहिंजाइप मिलणु खपे।
'मुंहिंजो तुंहिंजो' जी भावना त्यागे॒ छडि॒यूं, पोइ डि॒सो उन जो फलु केतिरो न मिठो ऐं सुठो थो निकिरे। हीअ ज़िदगी करम भूमी आहे, ससु ऐं नुंहं खे गडि॒जी परीवार खे सुर्ग॒ बणाइणो आहे। मर्द त झर जा झाटी आहिन, कड॒हिं किथे त कड॒हिं किथे। सुबुह जा निकिता रात जो वापस मोटन, ज़ाल ऐं माउ जो धरमु आहे त उन्हन खे घर जूं नंढियूं वडि॒यूं, घटि वधायूं न बु॒धाइन ।
हिक शाइर जो चवणु आहे त सुर्ग॒ अगर आहे त हिते आहे। जिन घरन जी ज़ालुन में एको आहे, प्यारु आहे, विश्वासु आहे, उते सुर्गु॒ आहे।
'परीवार मिठो त जगु॒ सुठो' कुटुम्बु सुधर्यो त संसारु सुधर्यो। उन्हीअ में ई परीवार, समाज, देश ऐं प्राणी मात्र जो कल्याणु आहे।

दया लखी जशनाणी
बैरक -2124, सिन्धूनगर-421005

A Joke

Secret of sweetness Methaaj jo G^ujhu

A person said to his friend,' Credit to you । Even after 1O years of marriage , you are speaking so sweetly to your wife on the telephone.'

Hikr^e maan~hooa pa'nhi'nje d~ost~a khe chayo ,'Shabass ath~aee jo d^ahan saalan je shaad~eea khaa'n bi poi pa'nhi'njee joi saa'n hair^o mitho telephone t~e vetho g^aalhaaee'n?'

The friend replied , 'But that is not my wife।, It is yours .'

D~ost~a javaab d^inus,' Heea mu'nhi'njee joi konhe par t~u'nhi'njee,".'

chandiramani gl

mrchandiramani@yahoo.com

Naee-kavetaa

Naee-kavetaa
Insaanee- roop
Ran^pat^n/barpat^n su^ja torhe veeraanan khe
sundar haseen buland imaaratoon d^aee
dilkash hiku bihshtu ban^aaeendarh
sirjan je subhava vaare kaabil maalhee_a paan^ee d^ino aahe
pahinje th^aahyal
baga bajaai “pareevartan” khe,
Geetaa je chaiyal hina harif khe
shetaanee khiyaala saan hina rakhiyo aa
pahinje noora te aj^u,
ain mat^aae pahinjee sanskaaree-shailee
iho insaanu ban^yo aahe
hiku kat^aru-hevaanu !
–Ghanshyam sagar
sindhisaagar@gmail.com

कविता

खोट्रे ज़ख्मन खे, न ग़म खे तूं यादि करि।
यादि करि खुशियुन खे, दिल आबाद करि।
चाहिण सां थिए तमन्ना पूरी
त का तमन्ना न बचे हां
हासुलु हुजे हां जे हर शइ
जीअण जी चाह न बचे हां।
छडि॒ रुअणु घणाईअ जो
जेको आहे, तंहिंजो धन्यवाद करि।
जे पैसो न विराहे सघीं तूं
त प्यारु विराहि सभ में
यादि कनि सदा तोखे
अहिड़ी जग॒हि ठाहि दिल में
प्यार खे सम्झु तूं साईं
बंदनि खे तूं छड़ो प्यारु करि।

मुरलीधर बलवाणी, बी-112, शाहपुरा,
भोपाल-462016, फोन- 0975265217

ग़ज़ल

ग़लती मुंहिंजी हुई न काई ,
पोइ बि आयुसि दड़का खाई।
नफरत कंहिं सां कीअं कबी आ
गा॒ल्हि इहा पंहिंजन समुझाई।
जड॒हिं बि बीठुसि दर्पण आडो॒,
अक्स निभाई थे पंहिंजाई।
धरतीअ ते हेडो॒ जु़ल्मु डि॒सी,
ककर जी बि अखि भरजी आई।
आशिकन जा त भाग॒ खुली व्या,
हुस्न जड॒हिं वरती अंगिड़ाई।
उहे अहसास हुआ डीं॒होंका,
सजी॒ रात जि‍नि निंड फिटाई।
राहूं थीद्यूं रोशन ‘मांदा’,
मन जी जड॒हीं कंदें सफाई।

कन्हैयालाल मोटवाणी ‘मांदो’, भोपाल।
फोन नम्बर- 09827528606

नओं सिन्धी किताबु सामूहिक आत्महत्या

नओं सिन्धी किताबु

सामूहिक आत्महत्या

आचार्य विजय रत्नसुंदरसूरि महाराज जे 'सामूहिक आत्महत्या' नाले हिन्दी किताब जो प्रोफेसर लछमण हर्दवाणीअ सिन्धीअ में डा॒ढो सुठो अनुवाद कयो आहे। हिन किताब में खास तोर सां टीवीअ जे कारण परिवार ऐं समाज में पैदा थींदड़ समस्याउनि ते चर्चा कई वई आहे। नमन पंहिंजी समस्याऊं ख़त वसीले महाराज स्वामीअ खे लिखे थो ऐं महाराज स्वामी ख़तनि वसीले समस्याउनि ते चर्चा कई आहे। किताबु देवनागरी लिपीअ में हुअण सां नौजवान पीढ़ी सवलाईअ सां पढ़ी ऐं समझी सघे थी। 100 पेजनि जे हिन किताब जो मुल्हु सिर्फ 50 रुप्या आहे। पेश आहे हिन किताब मां महाराज स्वामी दुआरां नमन खे लिख्यलु हिकु खतु---------

नमन,

ज़िदह सम्पर्क जे खेत्र में टीवीअ जेका जबरदस्त चोट कई आहे, उन खां बि वधीक शरम जे खेत्र में इन जेको हाहाकारु मचायो आहे, उन जी कल्पना बि नथी करे सघिजे।इन विषय ते वधीक रोशनी विझण खां पहिरीं कुझु वक्तु अगु॒ मुम्बईअ जे हिक 40-50 सालनि वारे पिता दुआरां चयल हिक गा॒ल्हि तोखे बु॒धाइणु थो चाहियां।तुंहिंजे अखियुनि में अगर शरम जहिड़ी का गा॒ल्हि बचियल हूंदी त, मुंहिंजी गा॒ल्हि बु॒धी तूं माठि में अची वेंदें। उहा गा॒ल्हि उन पिता जे ई लफजनि में.........

महाराज स्वामी,

घर में 14 सालनि जो पुटु आहे। टीवीअ जो डा॒ढो शोंकीनु आहे। अटिकल 7 सालनि जी उमिरि खां वठी टीवीअ जो जबरदस्तु चश्को लगो॒ अथसि। मां टीवी डि॒सण विहां, त हू बि मूंसां गडु॒ टीवी डि॒सण वेही रहंदो आहे। ऐं जड॒हिं हू टीवी डि॒सण विहंदो आहे तड॒हिं मां बि टीवी डि॒सण वेही रहंदो आहियां।महिनो पहिरीं जी गा॒ल्हि आहे। असीं ब॒ई गडि॒जी वेही टीवी डि॒सी रहिया हुआसीं। टीवीअ ते एडा॒ त कामी निज़ारा अची रहिया हुआ जो हिक पल लाइ मन में वीचारु आयुमि त टीवी बंदि ई करे छडि॒यां। पर पुटु एतिरी उत्कंठा सां टीवी डि॒सी रहियो हो जो टीवी बंदि करण जी मुंहिंजी हिमथ ई न थी। सूरु सही मां उते वेठो त होसि पर कुझु देरि खां पोइ, पुट मूंखे चयो - डैडी, हाणे अगि॒ते अहिड़ा निज़ारा अचण वारा आहिनि, जो तव्हां असुलु डि॒सी ई न सघंदा। महिनो खनु पहिरीं ई मूं इहा फिल्म डि॒ठी हुई। इन में हाणे जेकी सीन ईंदा, उहे तव्हां जहिड़े पुराणनि वीचारनि वारे इन्सान खे कोन वणंदा। उहे निज़ारा डि॒सी नाहकु तव्हांजो मनु खराब (?) थी वञे , ऐं तव्हां दुखी थियो, इन खां बहितर आहे त तव्हां हितां उथी हलिया वञो।महाराज स्वामी, जंहिंखे अञा मुछूं बि कोन आयूं हुयूं, अहिड़े मुंहिंजे 14 सालनि जे पुट टीवीअ तां उथी वञण जो हुकुमु कयो। आखिर मूंखे उतां उथिणो ई पयो ऐं हू टीवी डि॒संदो रहियो।

नमन,

टीवीअ अहिड़ो कमालु (?) कयो आहे। पुटु पीउ खे चई सघे थो त डैडी, अव्हां अहिड़ा निज़ारा डि॒सी कोन सघंदा। तव्हां हितां हलिया वञो। ऐं पीउ खे पुट जो इहो हुकुमु मञ‍िणो ई पवंदो आहे। हुन खे उतां उथी वञ‍िणो ई पवंदो आहे। ऐं पुटु खुशीअ सां अहिड़ा निज़ारा डि॒संदो रहंदो आहे। तूं समुझी सघीं थो इन जो ड॒हकाउ ? मूंखे चीन जी हिक चविणी यादि अची रही आहे - 'जंहिंजे अखियुनि में शरम जो पाणी न बचियो हुजे, उन सां दोस्ती कड॒हिं न कजे।' इन टीवीअ कंहिंजे अखियुनि में शरम जो पाणी बचणु डि॒नो आहे ? हीरनि जे दुकान में हीरा ई मिलंदा आहिनि, कोइला न। हीरनि जे दुकान में धनवान ई वेंदा आहिनि, कंगाल न। लेकिन सुवालु आहे त इन टीवीअ में छा नथो डे॒खारियो वञे ? राजनीती, रांदियूं, वापारु, बोडि॒, भूकम्प वगैरह जा निज़ारा त ईंदा ई आहिनि मगर वासना खे भड़काइण वारा जेकी निज़ारा टीवीअ में डे॒खारिया वेंदा आहिनि, उन्हनि त शरीफ पुरुषनि जे दिमाग़ खे बि खाली करे छडि॒यो आहे।वडे॒ दुख जी गा॒ल्हि इहा आहे त अहिड़ा निज़ारा ससु बि डि॒संदी आहे ऐं नुंहं बि डि॒संदी आहे। भाउ बि डि॒संदो आहे ऐं भेण बि डि॒संदी आहे। पीउ बि डि॒संदो आहे ऐं पुटु बि डि॒संदो आहे। डे॒रु बि डि॒संदो आहे ऐं भाजा॒ई बि डि॒संदी आहे। वधीक छा बु॒धायांइ, सभु गडु॒ वेही डि॒संदा आहिनि। शरम जी शमशान-यात्रा निकिरण बिना इहो थी सघे थो छा ? --------------------------------प्रोफेसर लछमण हर्दवाणी,

'कविता', प्रोफेसर कालोनी,सावेड़ी

अहमदनगर-४१४००३

मोबाइल नम्बर- ०९८९०६९३९३१

Email: lphardwani@yahoo.com