Wednesday, January 25, 2012

मास्तर चन्द्र जे जन्म डीं॒हं ते ‘सिंधु’ पारां दिलकश कवि सम्मेलन


मास्तर चन्द्र जे जन्म डीं॒हं ते ‘सिंधु’ पारां दिलकश कवि सम्मेलन
          सिंधीअ जे महान गायकसंगीतकारशायर ऐं अदाकार मास्तर चन्द्र जे 105 जन्म डीं॒हं जे मौक़े ते भोपाल जी प्रमुख साहित्यक संस्था ‘‘सिन्धु साहित्यकला ऐं संस्कृतिअ जो झरणो’’ पारां सूबाई सतह जो कवि सम्मेलन हितांजे नवयुवक सभा भवन में मध्यप्रदेश सिंधी साहित्य अकादमीअ जे सहयोग सां पेश कयो वियो।
          हिन कवि सम्मेलन जी ख़ासि गा॒ल्हि इहा हुई त मुशायरे जो संचालन होशंगाबाद मां आयल नईं पीढ़ीअ जे नौजवान सिंधी शायर अशोक जमनाणीअ तमाम दिलकशविंदराईंदड़ ऐं असिराइते अंदाज़ में निज सिंधी बो॒लीअ में करे सिंधी भाषा जी गहिराईसघ ऐं असर खां श्रोताउन खे मुतासि़र कयो। हुन समूरे संचालन में सिंधीअ खां सवाइ किथे बि बी॒ कंहिं भाषा जो सहारो न वरितो। अहिड़े नौजवान खे मंचु उपलब्ध कराइण लाइ ‘‘सिन्धु’’ बेशक खीरूं लहिणियूं।
          हिन प्रोग्राम जा ख़ास महिमान हुआ बुज़ु्र्ग कवि डॉ रूपकुमार घायल’ ऐं मुशायरन जे संचालन में ख़ास जग॒हि वालारींदड़ शायर टीकम आफताब। मुशायरे जी सदारत हिंद ऐं सिंध में शायरीअ जे मैदान में खा़स अहिम्यत रखंदड़ श्री खीमन यू. मूलाणीअ कई।
          कवि सम्मेलन खे पंहिंजी शायरीअ सां रंगत बख्शिण वारा बिया शायर ऐं कवियत्रियूं हुयूं- इन्दौर मां डॉ. नादिया मसंदरीवा मां इन्द्र जसूजा कोमल’, होशंगाबाद मां महेश मूलचंदाणीजबलपुर मां अमृत दुल्हाणीरायपुर मां कैलाश शादाब ऐं भोपाल मां नारी लच्छवाणीनन्द सन्मुखाणीब॒ल्लू चोइथाणीडी.के. निहचलाणीकनयो शेवाणीशोभा लेखवाणीशांता लालवाणी,  भग॒वान बा॒बा॒णीकुंदनलाल वासवाणीजे॒ठानन्द रायचंदाणीऐं घनश्यामदास ग़ैबी
          मास्तर चन्द्र जी गायकीशायरीअदाकारी ऐं शखि़स्यत जी वसीह जा॒ण श्री नन्दकुमार सन्मुखाणीअ तमाम थोड़े वक्त में सुन्दर ऐं अस़राइती बो॒लीअ में ड॒ई श्रोताउन खे मास्तर चन्द्र बाबत रूशिनास कयो।
भग॒वान बा॒बा॒णी

No comments:

Post a Comment