ग़ज़ल

ग़ज़ल

गाल्हि संदसि अणपूरी हूंदी,

आई इअं न भंभूरी हूंदी

पूजा पाठ करे रोज़ानो,

अञा बि आस अधूरी हूंदी

गोठु विसारे छडियो अथाईं,

मिलंदी उते मज़ूरी हूंदी

फोनि करे थसि जल्दु घुरायो,

शायदि गाल्हि ज़रूरी हूंदी

बारु बुढे खे प्यो थो डाढे़,

माउ डिनी मंज़ूरी हूंदी

किअं बि खटे थो बाज़ी, उन वटि

अखरु न हूंदो, भूरी हूंदी

घणे वक्त खां पोइ आयो आ,

मन में का मजबूरी हूंदी

डोहु तईअ खे डिनो त हुन, पर

चई न गाल्हि समूरी हूंदी

--खीमन यू मूलाणी
A-NEW14/134,

BAIRAGARH, BHOPAL-462030

MOBILE- 09827343735