पाण रुअण में पूरो मां ,
गो॒ढ़ो कंहिंजो कीअं उघां ।
खूब दुखायमि दिल हुनजी,
हाणे वेठो पाण लुछां ।
केडा॒ वेझा माइट सभु ,
को बि न वेझो पर तिनि मां।
भीड़ भरी हिन दुनिया में ,
कंहिंजो साथु न आ कंहिंसां।
याद अची थी छुहण लगे॒ ,
केड॒नि कोटनि में बि लिकां।
सुकलु सुकलु आ, ही जीवनु,
रंग में कंहिंजे काश भिजां॒ ।
ढोल वज॒नि ऐं छेरि वजे॒ ,
पेर खज॒नि, मां खूब नचां ।
मोटर , कारूं , स्कूटर ,
चेड़ाइनि , जे पंधु हलां ।
असरु न कोइ अखरनि मंझि,
उधिमा दिल जा कीअं लिखां ।
-----------नारी लछवाणी, भोपाल
No comments:
Post a Comment