कयूं अहम खे गुम, दिल सां दिल मिलायूं,
अचु त नींहं वारी का दुनिया वसायूं ।
खतमु कयूं हिकदम सभु शिकवो शिकायत,
न तानो, न तुनको, न तीर हलायूं ।
सल्यूं हिक बि॒ए सां पंहिंजीअ दिल जा राज़,
असुलु खीरु खंडु थियूं, कुझु बि न लिकायूं ।
रुसण खे छडे॒ हाणि वधूं परचाअ डे॒ ,
मजो आहि मुहबत में दुनिया खे बु॒धायूं ।
अगि॒ में त हुआसीं बईं ज॒णुकि नादान,
हली नेकु हाणे समझदार सडा॒यूं ।
विधाता रचियो आ, ही रिश्तो असांजो,
जनमनि जो उन खे, असीं ब॒ईं बणायूं ।
..................डॉ रूपकुमार 'घायल' भोपाल
No comments:
Post a Comment