तूं सुम्हिजांइ न साजन, इझो मां अचां थी,
बचियलु आहे कमु बाकी, लाहे अचां थी।
आहे हंज ते हिरियलु, न सुम्हंदो सदोरो,
लीले खे लोडे, सुम्हारे अचां थी।
कटोरा ऐं थाल्हियूं रंधिणे में रुलंदा,
मले भांडा बर्तन, सजाए अचां थी।
सुबुह लाइ सभिनी जा, करे प्रेस कपड़ा,
सभई सेट ठाहे, संभाले अचां थी।
तुंहिंजी आहे आदत, सुम्हिए खीरु पीअंदे,
विझी फोटो काढ़े, ठारे अचां थी।
बचियलु ढुकु आ बाकी, विझी बर्फ प्याले,
पकोड़न सां पापड़ पचाए अचां थी।
सजो डींहुं हणां हड, बदन बूइ हूंदी,
करे अंग आला, सुकाए अचां थी।
सभई कम लाथाईं, मुंहिंजन खोंघरन में,
बुधुमि पिए चयाईं, अचां थी... अचां थी।
सुबुह जो डई चांहिं, डोरापे वारी, चयाईं,
वाह सुम्हीं पएं, चयो मांइ अचां थी।
राधाकृष्ण लालवाणी 'राही'
No comments:
Post a Comment