बेवतन जी पीड़ा
अबो॒ध आहे मुंहिंजो दिल
वढ सही न सघंदुसि हाणि
मूंखे न ऐडो॒ तूं सताइ
पाण ई पुछीं थो तूं
मुंहिंजो सूर जो भेद
जंहिं ‍डि॒नो आ ही सुरु
हाणे नएं सूर मां छा जा॒णा
हर सूरु ‍डि॒ए थो सागी॒ पीड़ा
दुखन खे सुख चवण वारा
छा जा॒णो वतन छडि॒ण जी पीड़ा ।

-Dr Dhruv Tanvanitanvanid@yahoo.co.in

ग़ज़ल
अखियूं ही अनोखियूं .......

अखियूं ही अनोखियूं किथां यार पातियूं
कडहिं मुस्कुराइन, कडहिं जणु त कातियूं।

किथां ही सिखियूं तेज़ तीरन सां चीरणु
न तीरन में जायूं , न तीरन ई तातियूं।

फिरण सां हिनन जे, फिरी सभु वञे थो
ही सुबुहुन खे छा थियो, विया बणिजी रातियूं।

लगे थो, ही मूंसां सलणु सभु थियूं चाहिन
न समझां थो बोली, हुजन जणु के बातियूं।

करे थियूं छ‍‍डिन रूहु सुरहो सदाईं
पखियुन लाति वांगुर ही अखियुन जूं बातियूं।

जडहिं ‍िबनि ‍डिठो, ‍िबन‍ि बियन खे बि साम्हूं
हुयूं हिक ‍िबए में समाइण लाइ आतियूं।

बुडी कीअं वयूं मन जे ऊन्हें समुंड में
परे खां ई बीठे थे पाताऊ झातियूं।

अलाए छो मशहूर डाढो थियूं के
चीज़ूं अखियुन ते मूं जडहिं बि गातियूं।

-नारी लच्‍छवाणी
ए-31, न्यू,
बैरागढ़, भोपाल
फोन न. 0755-2641962

गोल्डन बैल्ट :ख़लील जिब्रान
सलामिस शहर डांहुं वेंदे बिनि माणहुन जो पाण में मेलाप थ्यो, बिपहर ताईं हू हिक नदीअ वटि पहुता, जंहिं ते कोई पुल न हुयो. हाणि उन्हन वटि ब वाटूं हुयूं, तरी करे नदी पार करणु या बी का वाट गोल्हे करे वञणु.
"तरी करे ई था हुन भरि हलूं," उन्हन हिक बे खे चयो, " नदी का घणी चौड़ी न आहे."
उन्हन मां हिक माणहूअ जो सुठो तैराक हो, विच सीर में पाण ते काबू न रखी सघ्यो, ऐं पाणीअ जे तेज़ वह्कुड़े में वहण लगो. ‍िबयो माणहूं , जंहिं खे तरण जो अभ्यास न हो, आराम सां तरंदे वञी ‍िबए किनारे पहुतो. उते पहुची हुन पंहिंजे साथीअ खे पंहिंजे बचाव लइ हथ पेर हणंदो डिठो, सो हू वरी नदीअ में टिप्पी करे हुन खे जोखे बिना किनारे ताईं वठी आयो.
"तो चयो तोखे तरण जो अभ्यास नाहे, पोइ ‍िब तूं तमाम सवलाईअ सां नदी पार करे वएं." पह्रियें माण्हूअ पुछो.
"दोस्त" बिए माणहूअ चयो, "मुहिंजी चेल्हि (कमर) सां बधलु हीउ बेल्ट डिसीं थो, हीउ सोनन सिक्कन सां भर्यल आहे, जिन खे मूं सजो सालु मेहनत करे पंहिंजीअ ज़ाल ऐं बारन जे लइ कमायो आहे. इन्हीअ करे मां सवलाईअ सां नदी पार करे वयुसि. तरण वक्‍त पंहिंजी ज़ाल ऐं बारन खे पंहिंजे कुल्हन ते महसूस पे कयो."
सिंधी अनुवादः देवी नागरानी dnangrani@gmail.com

पछाड़ीअ में

मशहूर विज्ञानी अलबर्ट आइन्सटाइन हिक भेरे हिक होटल में वियो। वेटर हुन जे साम्हूं मेनूकार्ड आणे रख्यो। आइन्सटाईन लगो खीसा गोल्हण, चश्मो को घरि विसारे आयो हो। इहा गाल्हि ध्यान में आयसि त वेटर खे घुराए चयाईं " भाई मेनूकार्ड तूं ई पढ़ी बुधाइ।"
तंहिंते वेटर शर्मिंदगीअ जे आवाज़ में चयो, " सॉरी सर, मां बि तव्हां वांगुरु अणपढ़ियलु आहियां।"
('न्यू सिन्धी लॉफिंग क्लब' तां)

ग़ज़ल
अछा कपड़ा जडहिं बि पाता,
मिट्टीअ पंहिंजा
रंग ई लाता।

लिकल अंदर में माण्हू केडा,
हेल ताईं मूं कीन हा जाता।

इज्‍ज़त, उमिर जा बंधन टोड़े,
कहिड़ा-कहिड़ा जुड़न था नाता!

गिला करण में हरिको अगिरो,
साराह लइ पर सभु जणु बाता।

पत्थर नेक माण्हुन डे उछ‍िले,
बदमाशन जा गीत व्या गाता।

लिकी भले जा कम कया जिन
कीन विया से कडहिं सुञाता।

सदा कढनि जे कमियूं बियन जूं
समुझ ‍डिए शल तिन खे दाता।

- भगवान बाबाणी
संत हिरदाराम नगर, भोपाल
मो- 09893397340
bhagwanbabani@gmail.com

वेचारीअ जो वाइदो

तूं सुम्हिजांइ न साजन, इझो मां अचां थी,
बचियलु आहे कमु बाकी, लाहे अचां थी।

आहे हंज ते हिरियलु, न सुम्हंदो सदोरो,
लीले खे लोडे, सुम्हारे अचां थी।

कटोरा ऐं थाल्हियूं रंधिणे में रुलंदा,
मले भांडा बर्तन, सजाए अचां थी।

सुबुह लाइ सभिनी जा, करे प्रेस कपड़ा,
सभई सेट ठाहे, संभाले अचां थी।

तुंहिंजी आहे आदत, सुम्हिए खीरु पीअंदे,
विझी फोटो काढ़े, ठारे अचां थी।

बचियलु ढुकु आ बाकी, विझी बर्फ प्याले,
पकोड़न सां पापड़ पचाए अचां थी।

सजो डींहुं हणां हड, बदन बूइ हूंदी,
करे अंग आला, सुकाए अचां थी।

सभई कम लाथाईं, मुंहिंजन खोंघरन में,
बुधुमि पिए चयाईं, अचां थी... अचां थी।

सुबुह जो डई चांहिं, डोरापे वारी, चयाईं,
वाह सुम्हीं पएं, चयो मांइ अचां थी।

राधाकृष्ण लालवाणी 'राही'