Download the Nirvanashtakam

दादा साधू टी एल वासवाणी

दादा साधू टी एल वासवाणीअ जो जनमु 25 नवंबर 1879 ते सिंध जे हेदराबाद शहर में श्री लीलाराम वासवाणीअ जे घर में थियो । दादा जनि जे जनम जो नालो थांवरदास हो । दादा जनि जो पूजु॒ पिता श्री लीलाराम वासवाणी देवी माता जो उपासकु हो ऐं सन्दसि माता गुरू नानकदेव जी सची सदिक्याणी ऐं भगि॒तियाणी हुई । हूअ नितु नेम सां प्रभात जो श्री जपु साहिब ऐं श्री सुखमनी साहिब जो पाठु कंदी हुई । घर जे अहिड़े घर्मिक ऐं भगि॒तीमय वातावरण जो बा॒लक दादा ते काफी प्रभाउ पयो ।

सिंध जे महान समाज सुधारक, निष्काम शेवक, सिन्धी सामाज जो सचो कोहीनूरु, आदर्शी अध्यापकु साधू हीरानंद आड॒वाणी बालक दादा खे स्कूल में उस्ताद जे रूप में नसीबु ‍थियो । जंहिं जो दादा जे विद्यार्थी जीवन ते असरु पयो।

दादा टी एल वासवाणी खे संदसि काबिलियत सबबु कराची कालेज में लेक्चरर मुकररु कयो व्यो। इन खां पोइ दादा कलकते जे विद्यासागर कालेज में प्रिंसीपाल थिया । दादा वासवाणी लाहोर जे दयालसिंघ कालेज, कूच बिहार जे विक्टोरिया कालेज ऐं पटियाला जे महेंदर कालेज में प्रिंसीपाल रही हज़ारें विद्या‍र्थियुनि जी राह रोशन कई ।

बा॒लक बा॒लिकियुनि खे सची विद्या डि॒यण लाइ दादा हेदराबाद में मीरां स्कूलु खोल्यो जिते विद्यार्थियुनि खे पुस्तकनि जे अभ्यास सां गडु॒ सची सिख्या पिणि डि॒नी वेन्दी हुई जीअं हू अगि॒ते हली आदर्शी इनसान बणी कौम जो कंधु उचो कनि । मीरां विद्या हलचल हज़ारनि खे ठाहियो ।

29 वर्हियनि जी उमिरि में दादा बर्लिन जे विश्व धर्म समेलन में शरीक थिया । दादा जो व्याख्यानु बु॒धी उतां जा लोक मंत्रमुग्ध थी व्या । दादा वासवाणी सिन्ध जो टैगोर हो । जीअं गुरूदेव टैगोर विश्वभारती शांती निकेतन जी स्थापना करे विद्या जी नईं जोति ज॒गाई तीअं दादा मीरां स्कूल ऐं मीरां कालेज खोले विद्या जे खेत्र में नईं सुजागी॒ आंदी ।

देश जे विरहाङे खां पाइ दादा पूने में अची मीरां स्कूलु ऐं मीरां कालेज खोल्यो । पूने स्टेशन जे भर्सां साधू वासवाणी मिशन जो स्थानु हिकु तीर्थु स्थानु बणिजी प्यो आहे जिते देश विदेश में श्रद्धालू ईंदा आहिनि । पूने में साधू वासवाणी मिशन पारां स्कूल, कालेजनि सां गडु कैंसर, दिलि ऐं अखियुनि जी बीमारियुनि जे इलाज लाइ अस्पतालूं बि हली रहियूं आहिनि ।

साधू वासवाणी मिशन में नेम सां रोज़ु सत्संगु थींदो आहे । अलग॒ अलग डीं॒हनि ते सिन्धी, हिन्दी ऐं इंगलिश में सत्संगु थींदो आहे ।


16 जनवरी 1966 ते पूने में भारत जो महान संतु साधू वासवाणी ब्रह़मलीन थियो ।

दादा साधू वासवाणीअ जे जनम डीं॒हं 25 नवम्बर खे 'मीटलेस डे' जे रूप में मल्हायो वेंदो आहे ।

वाह सिन्धी वाह

भोपाल अजु॒ 2 नवम्बर आहे .अजु॒ गुरु नानक जयंती ते मूं घणा साल पोइ प्रभात फेरी डि॒ठी .भोपाल जे विजय नगर ऐं ओ़म नगर जे सिन्धी भावरन, भेनरून ऐं खास कर नंढन बा॒रन छा त मौज मचाई, डि॒सी दिल खुश थी वई।पूरा ट्रे किलाक मूं प्रभात फेरी जे आनंद खे माणियो. भाऊ गोपाल हासाणी बि मूंखे गडि॒जी वया. नंढा बा॒र फेरी जे अगि॒याँ हली ज॒णु असान्जी रहनुमाई करे रहिया हुआ .फटाका बा॒रींदा पंहिंजी हिक अलग॒ ही मौज में हुआ . सुबुह 6.00 बजे धन गुरु नानक सारा जग॒ तारीया ॥ऐं नानक शाह जा भजन गा॒ईन्दा श्रद्धालु प्रभात फेरी सां निकता. प्रभात फेरी सजी॒ कालोनी में घुमंदे ओ़म नगर पहुती , जिते ओ़म नगर में रहंदड़ सिन्धी परीवारन गुरु नानक साहब जी सवारी जो श्रधा ऐं दिल सां स्वागत कयो.प्रसाद बि विर्हायो वयो . सभिनी खां खास गा॒ल्ह इहा हुई त असां जूं भेनर मधुर भज॒न ऐं गीत गा॒ए रहियूं हुयूं।सभु भाउर बि सुर में सुर मिलाए रहिया हुआ .
अजु॒ जेको आनंद आयो पन्हिंजे समाज जी एकता ऐं भावना डि॒सी , उनजो अहवाल डि॒यण जी कोशिश कई आहे , अखर कोन था मिलन जो पूरी खुशी बु॒धाए सघां .अजु॒ ऐतरो ई चवण चाहिंदुस - असान्जो सिन्धी समाज सभिनी धर्मं ऐं पंथन में गहिरो विश्वास ऐं आस्था रखे थो , असान्जी दिल वडी॒ आहे , पाण खे हिक धर्म ऐं पंथन ते ई महदूद कोन रखियो आहे . भारतवासी असान्जी भावना डि॒सी अभिभूत थीन्दा हूंदा पर अजु॒ खुली तारीफ केर थो करे ?को तारीफ करे न करे असीं पंहिंजी परम्परा ऐं संस्कृति सां जुडियल आहियूं ।जय झूलेलाल।

स्वामी टेऊंराम साहिब जा वचन

• वक्तु जेको गुज़री वञे तंहिंखे यादि कीन करि।


• वक्तु जेको अचणो आहे, चिन्ता तंहिंजी कीन करि।


• जेकी करे सो परमात्मा, राज़ी उन ते तूं रहु।


• जेकी बणियो आहे सो सभु ठीकु, इहो ई सदा चवंदो रहु।