प्रतिष्ठा

लघु कथा

लेख़कः संजय कुमार चतुर्वेदी

अनुवादः देवी नागरानी      

अजु मूँ अख़बार वेठे पढ़ी, उन्हीअ वेल शेख अली अची पहुतो। ईदें ई चयाईं, “शाम जो मुंहिंजे घर भोजन में अची शरीक थिजांइ।”

मूँ हुनखां पुछो, "छाजो भोजन?"   त  हुन जवाब डिनो, "माउ जो चालीहो आहे।“  

मूँ शेख़ अली खे चयो, "भाउ, तो जीयरे माउ जे खाधे-पीते ऐं इलाज में कंजूसी कई, माउ वेचारी हितां–हुतां पिनी खाईंदी रही, हा‍णि छो पैसो ख़र्च करे रहियो आहीं?"

इन ते  शेख़  मूँ डे निहारींदे शोखीअ  सां चयो,  "माउ बुढ़ी हुई,  मरणो होसि, सो मरी वई। चालीहे ते सभई रिश्तेदार ईंदा, मान-प्रतिष्ठा बरक़रार रखण लइ ख़र्चु त करणो पवंदों न।"

लघु कथा

चमत्कारु

हिक डींहं गणेश मंदर जे अगियां घणी गर्दी हुई. मंदर खां वठी 
परते वारी झोपड़पट्टीअ ताईं भगतन जे हिक हथ में खीर जो 
कटोरो ऐं बिए में चमचो हुयो. सभु क़तार में बिही करे गाल्ह‍ियूं 
करे रह्या हुआ.
”छा त चमत्कार आहे, गणेश जी खीर प्यो पिए.”
उते ई हिकड़े फ़कीर जो बुखायल बारु सिकायल नज़रुन सां तिन 
खे चई रह्यो हो, ”इन में कह‍िड़ो चमत्कार आहे? मुंहिंजो नालो ब‍ि 
गणेश आहे, मां ब‍ि खीर पी थो सघां, विश्वास नथो अचेव त 
पियारे डिसो.”
लेखक: घनशयाम अग्रवाल
अनुवादः देवी नागरानी

dnangrani@gmail.com

  ठोड़ो- लघुकथा 

हू छहें दरजे खां मूसां गडु पढ़ंदो हो. हमेशा पह‍िर्यों नंबर ईंदो हो, पर पोइब‍ि सजो कालेज हुनखे सनकी मञींदो हो. हिक प्रोफेसर त हिक दफ़े हुन खे रजिस्टर्ड चर्यो ब‍ि चयो हो. कड॒हिं  बिना मुच्छुन जे डाढ़ी रखंदो हुयो त कड॒हिं मखि छाप मुच्छूं. ‍िबए ब‍िए किस्म जूं टोप्यूं पाइण ब‍ि हुन जे शौंक में शामिल हुयो.

      पुराणी सुञाणप जे बावजूद ब‍ि मूंखे हुन सां को खास मोहु कोन हुयो. सच त इहो आहे कि हुन खे नापसंद करण जो भरमु मुश्किल सां लिकाए सघंदो हुयुस‍ि. कुछ डींहं  हू किस्म किस्म जूं पगिड़ियूं पाए डेखारींदो हुयो, पर  तडहिं त हद ई थी जडहिं हू मथो कूड़ाए पंहिंजे क्लास में ड‍िठो वयो.

  प्रशांत चिढ़ी करे चयो " मथो त माण्हूं  तड॒हिं कूड़ाईंदो आहे जडहिं मथे में जूं पइजी वञन या जडहिं पीउ मरी वञे."

हू उथी क्लास खां बाहिर आयो. हयातीअ में हू पह‍िर्यों भेरो मूंखे उदास लगो. प्रशांत जी गाल्ह‍ि मूंखे ब‍ि ख़राब लगी, सो हुन खे छिरब डई मां बाहर आयुस. हुन जे अख्युन में लुड़क हुया. मूं हुन जो दुख घटाइण जे ख़्याल सां चयो "किन माणहुन खे गाल्हाइण जो डांउ न ईंदो आहे. तूं हुन जी गाल्ह‍ि ते ध्यान न डे."

   हुन लुड़क उघ्या,  त मूं खिल कंदे चयोमांस " हूंअ तूं बुरो न मञंजइ, वार वधाए छड‍ि, मथो कूड़ाए कैंसर जो मरीज़ प्यो लगीं."  मुंहिंजी गाल्ह‍ि बुधी हू मुरक्यो. असीं बई टहकु डई खिल्यासीं. अजु हुन जो सतेतालियों जन्म डींहुं आहे. मथो कूड़ाइण बइद‍ि कुछ महीना हू कैंसर सां जंग जोटींदो रह्यो.

लेखकः अनुराग शर्मा

अनुवादः देवी नागरानी

dnangrani@gmail.com 

साफ़ दरी

साफ़ दरी

हिकु जवानु जोड़ो नईं जगह ते अची रहण लगो.

बे डींहुं सुबुह जो नौजवान पत्नीअ पंहिंजी पाड़े वारीअ खे कपड़ा सुकाईंदो डिसी घोट खे चयो, "हुन जा कपड़ा ख़ास अच्छा न था लगन. शायद हुन खे धुअणु नथा अचन या हुन खे सुठे साबूण जी ज़रूरत आहे."

घोट हुन डे निहारे वरी ब‍ि चुप रह्यो.

हूअ रोज़ उहा ई गाल्ह‍ि चवंदी हुई. हिक महीने खाँ पोइ हिक डींहुं हूअ हैरान थी जडहिं रस्सीअ ते साफ सुथरा कपड़ा लटक्यल डिठाईं.

चवण लगी, "आख़िर हूअ कपड़ा धुअण सिखी वई, न जाण कहिंखां सिखी आहे?"

घोटस मुस्कराए चयो, "अजु मां सुबूह जल्दी उथ्युस ऐं हीअ खिड़िकी सफ़ा करे छडी"

इहोई ज़िंदगीअ में थींदों आहे.

असीं पंहिंजे आस‍ पास जेको ब‍ि डिसंदा आह‍ियूं सो सभु असांजी डिसण वारी खिड़कीअ जी साफ़गोईअ ते मदार आहे.

(नेट तां)

सिन्धी अनुवाद - देवी नागरानी
dnangrani@gmail.com

लघुकथा

लघुकथा

धारणा

लेखक - रामेश्वर काम्बोज 'हिमांशु'

सिन्धी अनुवाद - देवी नागराणी

मां हिन शहर में बिल्कुल अनजान हुयुस. काफी डुक-डोर करे कंहिं तरह पासी मुहल्ले में हिकु मकान गोल्हे सघ्युस. टियों डींहुं ई कुटिंबु शिफ़्ट कयो हो. गाल्ह‍ि गाल्ह‍ि में आफ़िस में ख़बर पई त मां पंहिंजे कुटुंब सां पासी मुहल्ले में शिफ़्ट करे चुको आह्यां. वड़े साहब छिरकंदे चयो -‘तव्हां पंहिंजे परिवार सां हिन मोहल्ले में रही सघंदा.’

‘छा कुझ गड़बड़ थी वई आहे सर?’ मूं हैरानीअ सां पुछो.
‘ तमाम गंदो मुहल्लो आहे. हिते घणो करे हर डींहं कुझ न कुझ लफड़ो थींदो रहंदो आहे. संभाल सां रहणो पवंदुव.’ साहब जे मथे ते चिन्ता जूं रेखाऊं उभर‍ियूं--‘हीउ मुहल्लो गन्दे मुहल्ले जे नाले सां बदनाम आहे. गुण्डागर्दी ब‍ि कुझ घणी आहे उते.’
मां पंहिंजी सीट ते अची वेठो ई हुयुस त वडो बाबू अची पहुतो-‘सर तव्हां मकान गन्दे मुहल्ले में वरतो आहे. ’
‘लगे थो मूं मकान वठी ठीक न कयो आहे.’ -मूं पछतावे जे सुर में चयो.
‘हा, सर ठीक न कयो आहे. ही मुहल्लो रहण लायक नाहे. जेतरो जल्दी थी सघे, मकान बदले छडियो’ -हुन पंहंज्यूं अनुभवी अख़्यूं मूं ते टिकाए छडियूं.
हिन मुहल्ले में अचण जे करे मां घणी चिंता में पइजी व्युस. घर जे साम्हूं पान-टाफ़ी विकणण वारे खोखे ते नज़र पई. खोखेवारो कारो-कलूटो मुछुनवारो, हिक दम गुण्डो थे नज़र आयो. कचर-कचर पान चबाईंदे हू अञा ब‍ि घणो भवाइतो पे लगो.
सचमुच मां ग़लत जगह‍ि ते अची व्यो आह्यां. मूंखे सजी रात ठीक सां निंड न आई. छित ते कंहिंजे टिपण जो आवाज़ु आयो. मुंहिंजो साहु सुकी व्यो. मां डिजंदे डिजंदे उथ्युस. बिना आहट जे बाहिर आयुस. दिल ज़ोर सां धड़की रही हुई. खुड ते नज़र वई, उते हिक बिल्ली वेठी हुई.
अजु बिपहरन जो बाज़ार मां अची करे लेटियुस त अख‍ि लगी वई. थोड़ी देर में दरवाज़े ते खड़को थ्यो. दरवाज़ो खुल्यल हो, मां हड़बड़ाइजी करे उथ‍ियुस.
साम्हूं उहोई पान वारो मुछन्दर बीठो मुरकी रह्यो हो. बिपहरन जो सन्नाटो हुयो. मूंखे कट्यो त खून ही न हुजे.
‘छा गाल्ह‍ि आहे? मूँ पुछ्योमांस
‘शायद तव्हांजो ई बार हूंदो. टाफ़ी वठण लाइ मूं वट‍ि आयो. हुन ही नोट मूंखे डिनो’-चवंदे हुन पान वारे सौ जो नोट मूंडे वधायो. मां छिरक्युस. ही सौ जो नोट मुंहिंजी ख़मीस जे खीसे में हो. डिठो - खीसो खाली हो. लगे थो सोनूअ चुपचाप मुंहिंजे खीसे मां सौ जो ही नोट कढी वरतो हो.
‘टाफ़ीअ जा घणा पैसा थ्या?"
‘सिर्फ़ पन्जाहु पैसा, वरी कडहिं वठंदोसांव"- हू कचर-कचर पान चबाईंदे मुरक्यो. हुन जो चहरो उजली मुरक में वेढ़ियल हो. -‘चंङो बाबू साहब, प्रणाम ! ’ चई हू मोटी व्यो.
मां ख़ुद खे हींअर तमाम घणो हलको महसूस करे रह्यो होस.

जीवन - अमोलक हीरो

जीवन आहे अमोलक हीरो,

विअर्थ पोइ विञाईं छो थी?

सांवण जी हिन मस्त फिज़ा में,

गीत डुखारा गाईं छो थी?

कुदरत जी हर नइमत खे तूं,

उलझन मंझि गंवाईं छो थी?

हर मन में जे रामु रमे थो,

मंदर मढ़ियूं बणाईं छो थी?

दिलि दिलि में भगवान वसे पोइ,

दिलि कंहिंजी बि डुखाईं छो थी?

तुंहिंजी सार लहे थो साहिबु,

ग़म में पोइ घबिराईं छो थी?

सच खे त्यागे कूड़ अगियां तूं,

'देवी' कंधु झुकाईं छो थी?

-देवी नागराणी

<dnangrani@gmail.com>

. نظم

ڪڏھن حاڪم ٿي، ڪڏھن ظالم ٿي

ڪڏھن جانب ٿي ڇلُ ڪري ڪري

اھڙو ويسُ سڄڻ پيو ڌري ڌري.

ھيءُ نينھن جو ناتو نڀجي اَچي

شل قرب ڪُٺل ڪو ڀي نه بچي

اِھا آس ٿي دل ۾ تري تري.

جو منھنجي دل کي مرض لڳو

لاھي، اھڙو نه طبيب مليو

چنتا ۾ دل ٿي ڳري ڳري.

نادان ڏٺي ھيءَ دل پھنجي

مون ڪين ڏٺي اَھڙي ڪنھنجي

کِلي لُڙڪن جا ڍُڪ ڀري ڀري.

ھي ديوانن جون ڳالھيون ھِت

سمجھي ڪوئي ديوانو بس

پيو چوٽ پٿّر سان ڪري ڪري.

رسُ، رنگ ۽ روُپ جي قائل جا

دل ديويءَ جي به ته گھايل آ

پئي سورن ۾ سا ڳري ڳري.

**

جڏھن من منھجو مُرجھائي ٿو

ڄڻ چوءُڌر چمن ڪوُمائي ٿو

پوءِ ڪيئن ڪلي ڪا ٽِري ٽِري.

ڪو غربت ۾ مون شاھُ ڏِٺو

ڪو ڌن ھوندي به ڪنگالُ ڏٺو

ٿيو پينو سو پيو ڦِري ڦِري.

گلزار ۾ گُل سان خار لڳي

ھيءَ دُنياداري ڄار لڳي

ٿو وقت سان ھرڪو ھِري ھِري.

Devi nangrani

<dnangrani@gmail.com>

हिक सिटा

1 सोढ़ समाई सोच में , दिल आहे दरियाहु।

2 गोड़ु घरन में एतरो, जणु जं‍गि जो मेदान।

3.चुप चुप चप पर मनु पखी, अंदरि प्यो बोले।

4. बस्ती भली हुजे बुरी, बहतर पर इनसानु।

5. बस्ती हुजे बुरी त छा, भलो हुजे इनसानु।

6. बिज में वणु, वण में उहो, हेरत वारी कार।

7 . ही पलु तुंहिंजो, साणु तूं, बिए ते कहिड़ो बकाउ।

8. हस्ती हीअ इनसान जी, फक़त खाक़ जी लप।

9. वारीअ वांगुर तिरकिणो, ही जीवन जो सारु।

10. अंग संग मूं साणु आ, तन्हाई ऐं सोच।

11. कूक करे काती सदा, कुहणु न सवलो साहु।

देवी नागराणी

dnangrani@gmail.com

ग़ज़ल

राह सागी, मोड़ जंहिंते के नवां,

रिश्ता जोड़े नितु नवां, झूना भञां।

हिक पुठियां बी राह जो बस काफिलो,

कीन मंज़िल जो निशानु किथि थी पसां।

आहियां शाइक मां नईं हर चीज़ जी,

उमिरि जे वसि नाहि मुंहिंजी दिल जवां।

अक्सु पंहिंजो थी डिसां अखि में संदइ,

दिल थी चाहे लुड़क उति बणिजी पवां।

डे घणो कुझु ज़िदगी थी पोइ बि छो,

इएं लगे थो, जणु वठे थी इम्तहानु ?

सिक सां वेढ़े यादि खे सीने अंदर,

उन खे भाकुर में भरे 'देवी' सुम्हां।

देवी नागराणी

<dnangrani@gmail.com>

गोल्डन बैल्ट :ख़लील जिब्रान

सलामिस शहर डांहुं वेंदे बिनि माणहुन जो पाण में मेलाप थ्यो, बिपहर ताईं हू हिक नदीअ वटि पहुता, जंहिं ते कोई पुल न हुयो. हाणि उन्हन वटि ब वाटूं हुयूं, तरी करे नदी पार करणु या बी का वाट गोल्हे करे वञणु.

"तरी करे ई था हुन भरि हलूं," उन्हन हिक बे खे चयो, " नदी का घणी चौड़ी न आहे."

उन्हन मां हिक माणहूअ जो सुठो तैराक हो, विच सीर में पाण ते काबू न रखी सघ्यो, ऐं पाणीअ जे तेज़ वह्कुड़े में वहण लगो. ‍िबयो माणहूं , जंहिं खे तरण जो अभ्यास न हो, आराम सां तरंदे वञी ‍िबए किनारे पहुतो. उते पहुची हुन पंहिंजे साथीअ खे पंहिंजे बचाव लइ हथ पेर हणंदो डिठो, सो हू वरी नदीअ में टिप्पी करे हुन खे जोखे बिना किनारे ताईं वठी आयो.

"तो चयो तोखे तरण जो अभ्यास नाहे, पोइ ‍िब तूं तमाम सवलाईअ सां नदी पार करे वएं." पह्रियें माण्हूअ पुछो.

"दोस्त" बिए माणहूअ चयो, "मुहिंजी चेल्हि (कमर) सां बधलु हीउ बेल्ट डिसीं थो, हीउ सोनन सिक्कन सां भर्यल आहे, जिन खे मूं सजो सालु मेहनत करे पंहिंजीअ ज़ाल ऐं बारन जे लइ कमायो आहे. इन्हीअ करे मां सवलाईअ सां नदी पार करे वयुसि. तरण वक्‍त पंहिंजी ज़ाल ऐं बारन खे पंहिंजे कुल्हन ते महसूस पे कयो."

• सिंधी अनुवादः देवी नागरानी
  

dnangrani@gmail.com

ग़ज़ल

सिन्ध आ सभागी, जंहिंजी शहाणी बोली
जा हंज में खणी पई मूंखे सुणाए लोली।

कहिड़ियूं विसारे आखिर कहिड़ियूं विसारियां गाल्हियूं,

खुशबू खुमारु जंहिं में, आहे सा मुंहिंजी बोली।

से सिन्ध जा अङण, माड़ियूं ऐं मिठिड़ा माण्हू,
विसरिए नथा विसरन जिनि सां मूं खेली होली।

हर प्रांत जी सुञाणप, आहे उन्हीअ जी बोली
जंहिं प्रांत में न बोली, दामन आ तंहिंजो खाली।

थी पाण में हमेशा यकमुश्‍त मुंहुं त डींदा
राहुन में मुश्कलातुन जे आई जा आहे टोली।

चंदन समानु आहे तंहिं में हुगाउ देवी

महकाए साह खे जणु, खुशबुअ जी हीअ छोली।

--देवी नागराणी
dnangrani@gmail.com

ग़ज़ल

एडी वडी त चादर नाहे,

पेर डिघा फहिलाए वेठसि।

डिया विसायल बरी पवन जीअं,

रागु दीपक गाए वेठसि।

रोशन राह करण जे खातिर,

दिल जी शमा जलाए वेठसि।

फूल पटींदे पंहिंजो दामन,

कंडन में अटिकाए वेठसि।

धारियन जे सुहिबत में वेतरि,

पंहिंजन सां बि फिटाए वेठसि।

आया न हरगिज सुपना देवी,

जिनि लाइ निंड फिटाए वेठसि।

-- देवी नागराणी

dnangrani@gmail.com

कहाणी

कारो घोड़ो

लेखक : सुकेश साहनी

(सिन्धी अनुवाद: देवी नागराणी)

<dnangrani@gmail.com>

आदमकद आइने जे साम्हूँ हुन टाइ जी गंढ‍ि ठीक कई ऐं पोइ विदेशी इत्र जे फ़ुव्वारे सा पंह‍िजी खमीस खे तर कयो ॥ उन्ही वेल शानू ठुमकदो अग्याँ आयो ऐं हुन जी टंगुन खे भाकुर में भरयो।

“ रामू ,बहादुर ,शंकर ,किथे मरी व्या आह‍ियो सभु। उन जी चीखूं बुधी करे ,बिन सालन जो शानू घबराइजी ज़ोर-ज़ोर सां रुअण लगो। जाल खे साम्हूँ ईहो डिसी हुन वरी जो़र सां फटकार‍ियो, “तोखे घणा भेरा चयो आहे ,जंहिं वेल मां फैक्टरी वञिणो हुजां , शानूअ खे मुँहिंजे साम्हूं न अचणु डे। पैंट जी क्रीज़ ख़राब करे छड‍ियाईं। बहादुर खे चऊ त ,बी पैण्ट प्रेस करे डे …देर ते देर पई थ्ये ।

“चिल्लायो छो था। बारु ई त आहे …” जाल लापर्वाहीअ साँ चयो,”शाम जो थोरो जल्दी घर अच‍िजो…गुप्ताजीअ वट‍ि कॉकटेल पार्टी आहे।”

“चगों थ्यो तो याद करायई हाण‍ि हू हिकदम थधो थी व्यो,” डार्लिंग,अजु शाम जो सते वगे अशोका में मिस्टर जान सां मीटिंग आहे । लगभग बिन करोड़न जो ऑर्डर अजु तय थियण वारो आहे । मां त उते रुझिअल हूंदुस । गुप्ताजीअ वट‍ि काकटेल ते तूं हली वञु. मुँह‍िजी मिठरी मिठरी डार्लिंग।”

“ बस …बस हाण‍ि मस्को रहण डे ,मां हली वेंदस , पर ममीअ जी तबीयत तमाम घणी खराब आहे। ऐं शाम जो हूअ घर में बिल्कुल अकेली थी पवंदी।”

तूँ डॉक्टर विरमानीअ खे फोन करे छड‍ि ,त हूअ कंहिं सुठी नर्स जो इन्तज़ाम करे छडींदी। गुप्ता जी पार्टीअ में तुंहिंजो वञणु तमाम ज़रूरी आहे।”

“मिस्टर भार्गव, अञां गाल्ह‍ि ठही नाहे …”

आफ़िस पहुचंदे हुन अकाउंटेण्ट जे ठह्यल बही-खाते ते नज़र विझंदे चयो। "असांखे हिन फ़र्म जे ज़रिए घणें में घणों व्हाईट जेनेरेट करणो आहे । असांजी बी फ़र्म जी जेका ब्लैक आमदनी आहे , उनखे हिते एडजस्ट कर‍ि।”

“ सर , कुछ मज़दूरन फ़ैक्ट्रीअ में पंखा लगाइण जी घुर कई आहे।” प्रोडक्शन मैनेजर चयो ।

“ अच्छा ! अजु पंहिंजे लाइ पंखन जी घुर कई अथाऊँ, सुभाणे कूलर लगाइण लाइ चवंदा। अह‍िड़न माण्हुन जी छुट्टी करे छड‍ि।” हुन चुटकी वञाईंदे चयो । उन्हीअ वक्त फोन जी घण्टी वगी… “साहब मां घर मां रामू थो गाल्हायां अमां की तबीयत…”

“ रामू …हुन दहाड़‍ियो, “ तोखे घणा भेरा चयो आहे त नंढियुन -नंढियुन गालिहयुन लाइ मूंखे डिस्टर्ब ने कंदो कर‍ि । डॉक्टर खे फोन करीं हा।”

हुन फ़ैक्स जा जवाब त्यार कराया ते पोइ मींट‍िग जा फ़ाइल डिसण लगो । आपरेटर वरी हुन खे घर मां फोन अचण जी इतला डिनी- “ मिस्टर आनंद , तव्हांजी माऊ सूर सां बेहाल आहे “ -डॉक्टर विरमानी लाइन ते हो-“तव्हांखे खे तुरन्त घर अचणु घुरजे।”

" डॉक्टर जो कुछ करणो आहे तव्हांखे ई करणो आहे। हूअं ब‍ि मूंखे हिक तमाम ज़रूरी मीटिंग में वञणो आहे। करोड़न जो मामलो आहे । मां घर न अची सघन्दुस। तव्हां माऊ खे सूर घट करण वारी सुई हणी छडियोस।

हुन वाच ते नज़र विधी - साढ़ा छ: थी व्या हुआ ॥ तडहिं फ़ोन जी घंटी वरी वगी।

“ आनन्द साहब , इंजेक्शन जो कोई असर डिसण में नथो अचे । मम्मी तव्हां जे नाले जी रट लगाए वेठी आहे । तव्हां अची वञो त शायद दवा कुछ असर करे …।”

“डॉक्टर तव्हां आह‍ियो या मां?” हाण हुन गुस्से सां चिल्लायो -“ हर महीने तव्हां खे हिक तगड़ी रक़म कहिं गाल्‍िह जे लाइ डिनी वेन्दी आहे । तव्हांखे माऊ लाइ जो ठीक थो लगेव उहो करयो … ही बुढ़ा समझंदा आहिन-जेतरो शोर कबो ओतरी ही वधीक उन्हन जी सेवा थीन्दी।” चई हुन रिसीवर वापस फ़िटी कयो ।

ऑफ़िस खां कार ताईं जो फ़ासलो हो सो हुन डोड़न्दे तय कयो त पोइ आंधमांद वारे आवाज़ में ड्राइवर खे चयो-“ सते वजे ताईं अशोका होटल पहुचणो आहे। बन्दूक जी गोलीअ जी रफ़्तार सां गाड़ी हलाइ।”

-----------------------------------