हीअ उन वक्त जी गा॒ल्हि आहे जड॒हिं सिन्ध देश ते मीरन जो राजु॒ हो, जिनि खे तालपर करे सडीं॒दा हुआ। दीवान गिदूमलु मीरन जी दरबा॒र में मीर गुलाम अली तालपर जे राज॒ में वडो॒ वज़ीरु हो। हू हेदराबाद में पंहिंजे भाउरन ऐं मिटन माइटन समेत रहंदो हो। दीवान गिदूमल खे पुट जो ओलादु कोन हो। फक़त हिक सिकीलधी धीअ हुअसि जा सुशील, गुणवानु ऐं सूंहं में बिल्कुल सर्सु खू़बसूरत हुई । छोकिरीअ जे सूंहं जी हाक बु॒धी मीरु गुलाम अली मथसि मोहित थी प्यो। नेठि हिक डीं॒हुं राज॒ दरबा॒र में मीर बिना हटक हब॒क जे बिल्कुल खुल्यो दीवान गिदूमल खे चई डि॒नो त " मां तुंहिंजी छोकिरीअ सां शादी करणु थो चाहियां।"
दीवान गिदूमल खे मीर जे तेज़ सुभाअ जी जाण हुई । अक़ुलमंदीअ सां जवाबु डि॒नाईं त मां सलाह करे उन जो जवाबु बि॒नि टिनि डीं॒हन में डीं॒दुसि। इन बैदि दीवानु मायूस ऐं उदास चहरे सां घर वापस आयो ऐं सजी॒ गा॒ल्हि अची पंहिंजी ज़ाल सां कई । कमरे जी खुल्यल खिड़कीअ मां समूरी गा॒ल्हि संदसि धीअ बु॒धी वरती। कु़रबानीअ जी पुतली संदसि धीअ बिनां डप डाउ जे हिमथ ऐं होसिले सां माउ पीउ जे साम्हूं अची चयो त मूं समूरी गा॒ल्हि बु॒धी वरती आहे । घबि॒राइण जी का बि ज़रूरत कोन आहे। चवण लगी॒ त बाबा मूं हिन्दू वीर नारियुनि जो इतिहासु पढ़ियो आहे। हू धरम ऐं इज़त खा़तिर क़ुरबान थ्यूं आहीनि । मां वरी उन्हनि खां पोइते कीअं पवंदसि। तव्हां का बि चिन्ता न करियो।
धीअ जी दिलेरी ऐं हिमथ जो अहिड़ो जवाबु बु॒धी दिलि इ दिलि में पिणसि खेसि साराहण लगो ऐं मथसि फखुरु महसूसु कंदे पाण सां गडु॒ आंदल ज़हर जी पुड़ी मायूस दिलि ऐं ड॒कंदड़न हथनि सां धीअ जे हवाले कयाईं जंहिं बरवक्त प्याले में पाणीअ में मिलाए मुरकंदे हिक इ गी॒त सां पी करे पंहिंजो अंतु आणे छडि॒यो ऐं वीरगती प्राप्त करे सिन्ध जे इतिहास में हिन्दुन नारियुनि जो नालो अमर कयो।
बि॒ए डीं॒हुं इहा खबर मीर खे पेई । हुन पंहिंजी मुराद पूरी न थींदे डि॒सी अंदर में सड़ी पची व्यो ऐं हिकदम गुसे में लाल थी दीवान गिदूमल खे राज॒ दरबा॒र में घुराए खेसि माराए छडि॒यो।
जीअं चितोड़ जी राणी पदिमणीअ पंहिंजे धरम ऐं इज़त जे बचाअ खातिर पंहिंजी जान क़ुरआन कई हुई तीअं दीवान गिदूमल जी हिन वीर कन्या बि पाणु क़ुरबानु कयो। इन करे खेसि सडि॒यो वञे थो ' सिन्ध जी पदमिणी' ।
दीवान गिदूमल खे मीर जे तेज़ सुभाअ जी जाण हुई । अक़ुलमंदीअ सां जवाबु डि॒नाईं त मां सलाह करे उन जो जवाबु बि॒नि टिनि डीं॒हन में डीं॒दुसि। इन बैदि दीवानु मायूस ऐं उदास चहरे सां घर वापस आयो ऐं सजी॒ गा॒ल्हि अची पंहिंजी ज़ाल सां कई । कमरे जी खुल्यल खिड़कीअ मां समूरी गा॒ल्हि संदसि धीअ बु॒धी वरती। कु़रबानीअ जी पुतली संदसि धीअ बिनां डप डाउ जे हिमथ ऐं होसिले सां माउ पीउ जे साम्हूं अची चयो त मूं समूरी गा॒ल्हि बु॒धी वरती आहे । घबि॒राइण जी का बि ज़रूरत कोन आहे। चवण लगी॒ त बाबा मूं हिन्दू वीर नारियुनि जो इतिहासु पढ़ियो आहे। हू धरम ऐं इज़त खा़तिर क़ुरबान थ्यूं आहीनि । मां वरी उन्हनि खां पोइते कीअं पवंदसि। तव्हां का बि चिन्ता न करियो।
धीअ जी दिलेरी ऐं हिमथ जो अहिड़ो जवाबु बु॒धी दिलि इ दिलि में पिणसि खेसि साराहण लगो ऐं मथसि फखुरु महसूसु कंदे पाण सां गडु॒ आंदल ज़हर जी पुड़ी मायूस दिलि ऐं ड॒कंदड़न हथनि सां धीअ जे हवाले कयाईं जंहिं बरवक्त प्याले में पाणीअ में मिलाए मुरकंदे हिक इ गी॒त सां पी करे पंहिंजो अंतु आणे छडि॒यो ऐं वीरगती प्राप्त करे सिन्ध जे इतिहास में हिन्दुन नारियुनि जो नालो अमर कयो।
बि॒ए डीं॒हुं इहा खबर मीर खे पेई । हुन पंहिंजी मुराद पूरी न थींदे डि॒सी अंदर में सड़ी पची व्यो ऐं हिकदम गुसे में लाल थी दीवान गिदूमल खे राज॒ दरबा॒र में घुराए खेसि माराए छडि॒यो।
जीअं चितोड़ जी राणी पदिमणीअ पंहिंजे धरम ऐं इज़त जे बचाअ खातिर पंहिंजी जान क़ुरआन कई हुई तीअं दीवान गिदूमल जी हिन वीर कन्या बि पाणु क़ुरबानु कयो। इन करे खेसि सडि॒यो वञे थो ' सिन्ध जी पदमिणी' ।
