कहाणी

सोढ़

जगतराइ रिटायर कयो त खेसि चङा पेसा मिल्या। घर जे सभिनी भातियुन राइ डिनी, "मसवाड़ जी जाइ में उमिरि गुज़री आहे। इन्हन पेसन मां हिकु मकानु वठिजे।"

सभिनी भातियुन जे राइ मुताबिक जगतराइ हिकु मकानु खरीद कयो। टिनि कमरन वारो सुठो मकानु- रहण जी सभिनी सहूल्यतुन समेत। सालन खां पोइ पंहिंजे मकान में रहण जो मसमस मोको मिली रहियो हो। इनकरे घर जे सभिनी भातियुन शांती महसूस कई1

कशादो मकानु मिल्यो त हर कंहिं पंहिंजा पंहिंजा कमरा तइ करे वर्ता। जगतराइ लाइ को बि कमरो बाकी न बचियो।

"काई गाल्हि कान्हे। जंहिं में बारन जी खुशी।" जगतराइ पंहिंजे दिल खे डढ डिनी।

थोरा साल गुज़रिया त जगतराइ बीमार थी प्यो। खेसि अहिड़ी बीमारी थी जो डाक्टरन हिन खे अलग कमरे में रखण जी सलाह डिनी। घर जे भातियुन अगियां वडो मसइलो पैदा थियो। केरु खेसि पंहिंजो कमरो डे ? दिल न हूंदे बि जगतराइ खे हिकु कमरो मयसर करे डिनो व्यो। जंहिं डींहुं जगतराइ खे हिकु कमरो मयसर करे डिनो व्यो तंहिं डींहं खां घर जे सभिनी भातियुन मथां जणु आफत अची पई। घर जे भातियुन खे डाढी सोढ़ थियण लगी। अहिड़ी सोढ़ हुनन मसवाड़ी जाइ में बि महसूस न कई हुई। थोरे वक्त में सभु तंग थी प्या।

हिक डींहं जगतराइ ही जगतु छडियो। जगतराइ जो अंतिम संस्कार कयो व्यो। आखिरी क्रियाकर्म पूरो करे सभु घर वापस आया।

वापस मोटया त सभिनी जो ध्यानु जगतराइ जे कमरे तरफ हो।

"घणी तकलीफ सां डींहं गुज़ारिया हुआसीं।" हिक चयो।

" हींअर हीउ कमरो वरी असांजो।" बिए चयो।

" हा। हींअर जगहि जी तंगी न रहंदी।" टिएं चयो।

घणन डींहन खां पोइ सभिनी जे चहिरे ते सरहाई डिसण में आई हई।

डॉ हूंदराज बलवाणी

172, Maharathi Society, Sardar Nagar

Ahmedabad-382475

Cellphone-09998172854